ސިޓީގެ އެއްބަސްވުން ފޯޑެން އާ ކޮށްފި

މެން ސިޓީގެ "ގޯލްޑެން ބޯއީ" ގެ ގޮތުގައި މަޝްހޫރުވެފައިވާ ޒުވާން އިނގިރޭސި ތަރި ފިލް ފޮޑެންގެ އެއްބަސްވުން އާ ކޮށްފި އެވެ.

ފިލް ފޮޑެންގެ އެއްބަސްވުބް ސިޓީއާއެކު އާ ކުރާނެކަން ކުރިން ވެސް އޮތީ ޔަގީން ކުރެވިފަ އެވެ. އެގޮތަށް ޒުވާން މިޑްފީލްޑަރުގެ އެއްބަސްވުން އާ ކޮށްފައިވަނީ 2027 ވަނަ އަހަރާ ހަމައަށެވެ. އުމުރުން 22 އަހަރުގެ ފޮޑެން މި ސީޒަނުގައި 13 މެޗު ކުޅުނު އިރު އޭނާ ވަނީ ހަތް ގޯލު ޖަހާ އެވެ. މިދިޔަ ދެ ސީޒަނުގައި ޕްރިމިއާ ލީގުގެ އެންމެ ޒުވާން މޮޅު ކުޅުންތެރިޔާގެ މަގާމް ހޯދީ ވެސް ފޯޑެން އެވެ. އޭނާ އަކީ އިނގިރޭސި ގައުމީ ޓީމްގެ ވެސް މުހިންމު ކުޅުންތެރިއެކެވެ.

ފިލް ފޯޑެން އަކީ ސިޓީގައި އެންމެ މުހިންމު އެއް ކުޅުންތެރިޔާއަށް ވެފައިވާއިރު ކޯޗު ޕެޕް ގާޑިއޯލާގެ ޕްލޭނުގައި ވެސް އެންމެ މުހިންމު އެއް ކުޅުންތެރިޔާއަކީ ވެސް ފިލް ފޯޑެން އެވެ.

ސިޓީގެ އެއްބަސްވުން އާ ކުރުމަށް ފަހު ފޯޑެން ބުނެފައި ވަނީ ކްލަބުގެ އެއްބަސްވުން އޭނާ ބޭނުންވާ ގޮތަށް އާ ކުރެވުމުން އުފާވާ ކަމަށެވެ. އަދި އެ ގޮތަށް ސިޓީގައި ކޮންޓްރެކްޓް ދަމާލުމަކީ ދެކެމުން އައި ހުވަފެނެއް ކަމަށް ފޯޑެން ވެސް ބުންޏެވެ.