ކެބިނެޓަށް ބަދަލުތަކެއް: ފޮރިންނަށް ހަލީލް، ހެލްތަށް ނާޒިމް، ފިނޭންސަށް ޒަމީރު
މިއަދު ގެންނެވި ބަދަލާއެކު މަގާމު ގެއްލިވަޑައިގަތީ ފިނޭންސް މިނިސްޓަރުގެ މަގާމުގައި ހުންނެވި މުހައްމަދު ޝަފީގެވެ.
ފޮރިން މިނިސްޓަރު މޫސާ ޒަމީރު، ފިނޭންސް މިނިސްޓަރަކަށް އަދި ފޮރިން މިނިސްޓަރަކަށް، ހެލްތު މިނިސްޓަރުގެ މަގާމުގައި ހުންނެވި ޑރ. އަބްދުﷲ ހަލީލް އަދި ހެލްތް މިނިސްޓަރަކަށް މުހައްމަދު ނާޒިމް އިބްރާހިމް ހަމަޖައްސަވައިފި އެވެ.
މި ބަދަލު ގެންނަވާފައިވާކަން ރައީސުލްޖުމްހޫރިއްޔާގެ އޮފީހުން ވަނީ ޔަގީންކޮށް ދީފަ އެވެ. އަދި އެ ބަދަލު ރައީސް އޮފީހުގެ ވެބްސައިޓަށް މިހާރު ވަނީ ގެނެސްފަ އެވެ.
ނަމަވެސް މިވަރުގެ ބޮޑު ބަދަލެއް ކުއްލި ގޮތަކަށް ގެންނެވި ސަބަބެއް ރަައީސް އޮފީހުން ހާމައެއް ނުކުރެ އެވެ.
މިއަދު ގެންނެވި ބަދަލާއެކު މަގާމު ގެއްލިވަޑައިގަތީ ފިނޭންސް މިނިސްޓަރުގެ މަގާމުގައި ހުންނެވި މުހައްމަދު ޝަފީގެވެ.
ފޮރިން މިނިސްޓަރަކަށް ކުރީން ހުންނެވީ ޒަމީރެވެ. ހެލްތް މިނިސްޓަރަކަށް ހަލީލެވެ. މި ދެ ދާއިރާއިން މިދިޔަ ދިހަ ވަރަކަށް މަސް ދުވަހު ފާހަގަކޮށްލެވޭ ފަދަ މުހިންމު ބަދަލުތަކެއް ގެނެވިފައެއް ނުވެ އެވެ.
މިއީ ރައީސް މުއިއްޒުގެ ކެބިނެޓަށް ބަދަލު ގެންނެވި ފުރަތަމަ ފަހަރެވެ. ނަމަވެސް މީގެ ކުރީން ސަރުކާރުގެ އެހެން މަގާމުތަކަށް ބަދަލުތައް ގެނެސްފައިވެ އެވެ. އެގޮތުން ސްޓޭޓް މިނިސްޓަރުންނާއި ނާއިބުންނާއި ކުންފުނިތަކުގެ ވެރީން އަދި ސިޔާސީ މަގާމުތަކުގައި ތިއްބެވި ބައެއް ބޭފުޅުން މަގާމުތަކުން ވަކި ކުރައްވާފައިވެ އެވެ.
ދައުރުގެ މިހާ ކުރީކޮޅު ސަރުކާރުގެ އިސް މަގާމުތަކަށް މިފަދަ ބޮޑެތި ބަދަލުތައް ގެންނައި މަންޒަރު މި ނޫނީ ފެނިފައެއް ނުވެ އެވެ.
ކޮމެންޓް
Republic of Maldives