ހަޔަޓް އިން މާލެ އަތޮޅަށް ސަމަރަފުށި | މަތީ ފަންތީގެ ރިސޯޓެއް

ރާއްޖޭގައި ރިސޯޓް ހިންގާ ހަޔަޓް ކުންފުނިން މާލެ އަތޮޅުގައި އިތުރު ރިސޯޓެއް ހުޅުވަން ނިންމައި ތާރީހު ޖަހައިފި އެވެ. 

ދުނިޔޭގެ އެންމެ މަޝްހޫރު އެއް ޓޫރިޒަމް ބްރޭންޑް ކަމަށްވާ ހަޔަޓް ކުންފުން ބުނެފައިވާ ގޮތުގައި މާލެ އަތޮޅުގައި ހުޅުވާ ރިޖެންސީ ސަމަރަފުށި މޯލްޑިވްސް ހުޅުވަން ތައްޔާރު ވަމުން ދަނީ 2027 ވަނަ އަހަރުގެ ފަހުކޮޅެވެ. 

ގާތްގަނޑަކަށް 10 ހެކްޓަރުގެ މި ރީތި ރަށުގައި ހަޔަޓް ކުންފުނިން 130 ވިލާ ތަރައްގީ ކުރާނެ އެވެ. މި ތަނުގައި ބީޗްފްރަންޓް ކޮޓަރިތަކާއި ޓްރީޓޮޕް އަދި އޯވަވޯޓާ ވިލާތައް ހުންނާނެ އެވެ.

ގިނަ އަދަދެއްގެ މަތީ ފަންތީގެ ވިލާތައް ހިމެނޭ ޕާކް ހަޔަޓް މޯލްޑިވްސްއާ ބެހޭ ގޮތުން ޕާކް ހަޔަޓް ގްރޫޕް ޕްރެޒިޑެންޓް، އޭޝިއާ ޕެސިފިކް ޑޭވިޑް އުޑެލް ވިދާޅުވީ ހަޔަޓް ރީޖެންސީ ބްރޭންޑުގެ 55 އަހަރަށް ވުރެ ދިގު ތާރީހުގައި ދުނިޔޭގެ 40 އަށް ވުރެ ގިނަ ގައުމުގައި ރިސޯޓްތައް ހުޅުވާފައިވާއިރު، އެ ކުންފުނީގެ އެންމެ ބޮޑު ކުރިއެރުމަކީ ހަޔަޓްގެ ޓޫރިސްޓުންނަށް ލިބިދޭ ތަފާތު ތަޖުރިބާ އެވެ.

ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފުރައިގެން 25 މިނެޓުން ލޯންޗުގައި ދެވޭ ރާސްތާގައި ތަރައްގީ ކުރާ މި ރިސޯޓުގައި ރާއްޖޭގެ ސަގާފަތާއި ސިފަތައް އެކުލެވޭ ބައިތަކެއްވެސް ހިމެނެ އެވެ. އަދި މި ރިސޯޓު ތަރައްގީ ކުރާ ސަރަހައްދަކީ ފީނުމަށް މަޝްހޫރު ޕޮއިންޓްތައް ހުރި ސަރަހައްދެކެވެ.