ރައީސް، ބަންގްލަދޭޝްގެ ބޮޑުވަޒީރާއި ބައްދަލު ކުރައްވައިފި
ރައީސް ޑރ މުއިއްޒު ވަނީ ދެ ގައުމުގެ ތައުލީމީ ގުޅުން އިތުރަށް ބަދަހިކޮށް ދިވެހި ދަރިވަރުންނަށް ފުރުސަތު އިތުރު ހޯދުމާއި ގުޅޭގޮތުން ވާހަކަ ދައްކަވާފަ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ބަންގްލަދޭޝްގެ ބޮޑުވަޒީރު މުހައްމަދު ޔޫނުސްއާ ބައްދަލު ކުރައްވައިފި އެވެ.
ރައީސުލްޖުމްހޫރިއްޔާގެ އޮފީހުން ބުނީ މި ބައްދަލްވުމުގައި ދެ ލީޑަރުން ވަނީ އެއްބާރުލުން ދިނުމުގެ މުހިންމު ދާއިރާތަކާ ގުޅޭ ގޮތުން މަޝްވަރާ ކުރައްވާފައި ކަމަށެވެ.
ރައީސް ޑރ މުއިއްޒު ވަނީ ދެ ގައުމުގެ ތައުލީމީ ގުޅުން އިތުރަށް ބަދަހިކޮށް ދިވެހި ދަރިވަރުންނަށް ފުރުސަތު އިތުރު ހޯދުމާއި ގުޅޭގޮތުން ވާހަކަ ދައްކަވާފަ އެވެ. އަދި ދެ ގައުމުގެ ގުޅުން އިތުރު ހަރުފަތަށް ގެންދިއުމުގެ ޝައުގުވެރިކަން ފާޅު ކުރެއްވި އެވެ.
ނިންމާލަމުން ދެ ލީޑަރުން ވެސް ވަނީ ޑިޕްލޮމެޓިކް ގުޅުން ބަދަހިކޮށް، ހިއްސާވާ ކަންބޮޑުވުން ހުރި މައްސަލަތަކުގައި ސްޓްރެޓެޖިކް އެއްބާރުލުން ކުރިއަށް ގެންދިއުމަށް ޚިދުމަތް ކުރައްވާކަން އަލުން ކަށަވަރުކޮށްދެއްވާފަ އެވެ. ކުރިއަށް އޮތްތަނުގައި ދެ ގައުމުގެ ގުޅުންތައް ފުންކޮށް ގާއިމް ކުރުމަށް ވައުދުވެފައިވާކަން ތަކުރާރުކުރި އެވެ.
އދގެ އާންމު މަޖިލީހުގެ 79 ވަނަ ޖަލްސާގެ ހަވާސާގައި ރައީސް ވަނީ ވަރަށް ގިނަ ގައުމުތަކުގެ ވެރީންނާއި ބައްދަލު ކުރައްވާ ގުޅުން ބަދަހި ކުރެއްވުމަށް މަޝްވަރާތައް ކުރިއަށް ގެންދަވާފަ އެވެ.
ކޮމެންޓް
Republic of Maldives