ޗުއްޓީއަށް ގައުމުން ބޭރަށް ދާއިރު ޓްރެވަލް އިންޝުއަރެންސް ވަރަށް މުހިންމު

ޓާމު ޗުއްޓީ ބްރޭކުގެ ދުވަސްވަރު އައީ އެވެ. ގިނަ ބަޔަކު އެކި ތަންތަނަށް ދާނެ އެވެ. ހާއްސަ ގޮތެއްގައި ރާއްޖޭން ބޭރަށް ޗުއްޓީ ހޭދަކުރަން ދާނެ މީހުން ވެސް މަދެއް ނުވާނެ އެވެ. 

ކިތަންމެ ވަރަކަށް އިންތިޒާމް ކޮށްގެން ދިޔަ ނަމަވެސް ބައެއް ފަހަރު ރޭވި ގޮތާ ހިލާފަށް ކަމެއް ވެދާނެ އެވެ. އެއީ އިންސާނީ ބާރުގެ ބޭރުން ހިނގާ ގުދުރަތީ ކާރިސާއެއް ހިނގައިގެން ކަމުގައި ވެދާނެ އެވެ. ނުވަތަ ހީނުކުރާ ޒާތުގެ އެހެން ހާދިސާއަކާ ހުރެ ކަމަށް ވެސް ވެދާނެ އެވެ.

ހަނދާނުގައި ބަހައްޓަންވީ އެންމެ މުހިންމު ކަމަކީ، ޗުއްޓީއަށް މި ދަނީ ބޭރު ގައުމަކަށް ކަމެވެ. ކަމެއް ދިމާވެއްޖެ ނަމަ އެ ކަމެއް ހައްލުކުރުމަކީ އަމިއްލަ ގައުމުގައި ކުރުން ހާ ފަސޭހަ ކަމަކަށް ނުވެދާނެ އެވެ. ނުވަތަ ދިމާވާ ހާދިސާއެއްގެ ސަބަބުން ލިބޭ ގެއްލުން އެތައް ގުނައެއް އިތުރު ވެސް ވެދާނެ އެވެ. ދަތުރުކުރާއިރު ޓްރެވަލް އިންޝުއަރެންސްގެ ބޭނުމަކީ މިއީ އެވެ.

ދަތުރެއް މަތީގައި އުޅޭ އިރު ދިމާވެދާނެ އެންމެ އާންމު ހާދިސާތަކަކީ ޕާސްޕޯޓު ފަދަ މުހިންމު އެއްޗެއް ގެއްލުމާއި، ފްލައިޓެއް ކެންސަލުވުން ނުވަތަ މިސްވުމާއި އަދި އަނިޔާއެއްވެ، ބޭސްފަރުވާ ކުރަން ޖެހުން ނުވަތަ ނިޔާވުން ފަދަ ކަންކަމެވެ.

ރާއްޖެއިން ބޭރަށް ދަތުރެއް ދިއުމުގެ ކުރިން އެންމެ ފަސޭހައިން ގަނެލެވޭނެ ޓްރެވަލް އިންޝުއަރެންސަކީ އެލައިޑް އިސްލާމިކްގެ ޓްރެވަލް ތަކާފުލް ޕްލޭނެވެ. މިއީ އެތައް ބައިވަރު ނަޒަރަކުން ރައްކާތެރިކަން ފޯރުކޮށްދޭ، އަގު ހެޔޮ އަދި އިތުބާރު ހުރި ޕްލޭނެކެވެ. ކުއްލި ހާލަތުގައި ދިމާވާ ސިއްހީ ކަންކަމަށް ކުރަންޖެހޭ ހަރަދާއި، ޕާސްޕޯޓު ގެއްލުމާއި، ފޮށީގެ އިތުރުން އެހެނިހެން ތަކެތި ގެއްލިއްޖެނަމަ، އެ ދިމާވާ ދަތިކަމަށް ވެސް މާލީ ބަދަލު ލިބޭނެ އެވެ. އަދި ރާވާފައިވާ ދަތުރު ވަކި ސަބަބަކާހުރެ ކެންސަލުވެއްޖެ ނަމަ، އެ ކަމަށް ވެސް މާލީ ބަދަލު، ކަނޑައެޅިފައިވާ އުސޫލުން ލިބޭނެ އެވެ.

ޕްލޭނުގައި މައިގަނޑު ގޮތެއްގައި ހިމެނޭ ކަންކަމުގެ އިތުރުން، އިތުރު ކަވަރޭޖުތަކަށް ވެސް ފުޅާކޮށްލެވިދާނެ އެވެ. އެގޮތުން ކޮވިޑް-19 ގެ ހާއްސަ ކަވަރޭޖު ނުވަތަ ގުދުރަތީ ކާރިސާއަކާ ގުޅިގެން ރައްކާތެރި ހިސާބަކަށް ބަދަލުވާން ޖެހުމުގެ ކަވަރޭޖާއި، ބިޒްނަސް ޓްރެވަލްގެ ކަވަރޭޖު އަދި ގޮލްފް އާއި ވިންޓާ ސްޕޯޓްސް ފަދަ ހަރަކާތްތަކުގެ ކަވަރޭޖު މި ޕްލޭނަށް އިތުރުކުރުމުގެ އިހުތިޔާރު ލިބޭނެ އެވެ.