ޔޫރަޕްގެ މުހިންމު މާކެޓުތަކުގެ ކުރިއެރުން | ރެކޯޑަކާ ދިމާލަށް
ޓޫރިޒަމް ހިސާބުތައް ދައްކާ ގޮތުން ޔޫކޭ އިން 2019 ވަނަ އަހަރު 90,965 ޓޫރިސްޓުން އައިސްފައިވެ އެވެ. މި އަހަރުގެ މިހާތަނަށް އެ ގައުމުން 124,139 ޓޫރިސްޓުން އައިސްފައިވެ އެވެ.
ރާއްޖޭގެ ފަތުރުވެރިކަމުގެ ތާރީހުގައި ގިނަ މާކެޓުތަކުން އެންމެ ބޮޑު ކުރިއެރުމެއް ލިބިފައިވަނީ 2019 ވަނަ އަހަރު އެވެ. އެ އަހަރު ހާއްސަކޮށް ޔޫރަޕުން ބޮޑު ކުރިއެރުމެއް ލިބިފައިވެ އެވެ، ނަމަވެސް މިހާރު ޓޫރިސްޓުން އަންނަ ޓްރެންޑަށް ބަލާއިރު މި ކުރިއެރުމަށްވުރެ މި އަހަރު ޔޫރަޕުގެ މާކެޓުން ލިބޭ ކުރިއެރުން ބޮޑުވާނެ ކަމަށް ދައްކަ އެވެ.
ޓޫރިޒަމް ހިސާބުތައް ދައްކާ ގޮތުގައި މި ކުރިއެެރުން އެންމެ ބޮޑަށް ވަޒަންކޮށްލެވެނީ ރާއްޖެ އަށް ޓޫރިސްޓުން އެންމެ ގިނައިން އަންނަ ޔޫރަޕުގެ ހަތަރު ގައުމެއްގެ މާކެޓުން މިހާތަނަށް އައިސްފައިވާ ޓޫރިސްޓުންގެ އަދަދު 2019 ވަނަ އަހަރުގެ ސެޕްޓެމްބަރު މަހާއި މި އަހަރުގެ ސެޕްޓެމްބަރު މަހުގެ ވޭތުވެދިޔަ ދުވަސްތަކުގައި އައި ޓޫރިސްޓުންގެ އަދަދު އަޅާ ކިޔާލުމުންނެމެވެ.
ޓޫރިޒަމްގެ މައުލޫމާތުތަކަށް ބަލާއިރު މި ހިސާބުތަކުން އެނގޭ ގޮތުގައި މިމަހުގެ 22 ވަނަ ދުވަހާ ހަމައަށް ބެލިނަމަވެސް ބޮޑު ކުރިއެރުމެއް ވަނީ މުހިންމު މާކެޓުތަކުން ހޯދާފަ އެވެ.
ޔޫރަޕުގެ މާކެޓުތަކުގެ ކުރިއެރުން
- ރަޝިއާ 2019 - 58,306 | 2024 - 158,153
- ޔޫކޭ 2019 - 90,965 | 2024 - 124,139
- އިޓަލީ 2019 - 97,375 | 2024 - 105,176
- ޖަރުމަނު 2019 - 93,727 | 2024 - 103,226
މި ހިސާބުތައް ދައްކާ ގޮތުގައި މިހާރު ދެވަނައަށް އެންމެ ގިނައިން ޓޫރިސްޓުން އައިސްފައިވާ މެދުތެރޭ ޔޫރަޕަށް ނިސްބަތްވާ ރަޝިއާއިން 2019 ވަނަ އަހަރުގެ ސެޕްޓެމްބަރު މަހުގެ ނިޔަލަށް ކުރިއެރުން ހުރީ އަށް ޕަސެންޓުގަ އެވެ. އެ ގައުމުން 2019ގެ ސެޕްޓެބަރުގެ ނިޔަލަށް 58,306 ޓޫރިސްޓުން އައިސްފައިވެ އެވެ. ނަމަވެސް މިހާރު މި އަހަރު އެ މާކެޓުން ވަނީ 158,153 ޓޫރިސްޓުން ޒިޔާރަތްކޮށްފަ އެވެ. އަދި އިނގިރޭސިވިލާތުން 2019 ވަނަ އަހަރު އައިސްފައިވަނީ 90,965 ޓޫރިސްޓުންނެވެ. ނަމަވެސް 2024 ވަނަ އަހަރު މި ގައުމުން އައި ޓޫރިސްޓުންގެ އަދަދު ވަނީ 124,139 އަށް އިތުރުވެފަ އެވެ.
ކޮމެންޓް
Republic of Maldives