މަސްވެރިކަމުގެ ސިނާއަތު ކުރިއެރުވުމަށް އިފާޑުގެ އެހީތެރިކަން ބޭނުންވޭ
މި ބައްދަލުވުމުގައި ތަބައްސުމް ވިދާޅުވީ މަސްވެރިކަމުގެ ދާއިރާއަށް އެހީތެރރިވުމަށް އިފާޑުން ފިޝަރީޒް މިނިސްޓްރީއާއެކު މަސައްކަތް ކުރައްވާނެ ކަމަށެވެ.
ރާއްޖޭގެ މަސްވެރި ސިނާއަތް ތަރައްގީކުރުމަށް އިފާޑުގެ އެހީތެރިކަން ބޭނުންވާ ދާއިރާތަކާ ގުޅޭގޮތުން އިންޓަނޭޝަނަލް ފަންޑް ފޯ އެގްރިކަލްޗާ ޑިވެލޮޕްމަންޓް (އިފާޑު)އާ އެކު މަޝްވަރާކޮށްފިއެވެ.
މި މަޝްވަރާތައް ކޮށްފައިވަނީ ފިޝަރީޒް މިނިސްޓަރު އަހުމަދު ޝިޔާމް، އިފާޑުގެ ކަންޓްރީ ޑިރެކްޓަރު ޝެރީނާ ތަބައްސުމްއާއެކު ބޭއްވި ބައްދަލުވުމެއްގައެވެ.
މި ބައްދަލުވުމުގައި މިނިސްޓަރު ޝިޔާމް ވަނީ، މަސްވެރިކަމުގެ ދާއިރާ ތަރައްގީ ކުރެއްވުމަށް ރައީސް ޑރ. މުހައްމަދު މުއިއްޒު ކުރައްވަމުންގެންދަވާ މަސައްކަތްތައް ފާހަގަކުރައްވާފައެވެ. އަދި މެރިކަލްޗާ ދާއިރާ ތަރައްގީ ކުރުމަށް އެމަނިކުފާނު ގެންގުޅުއްވާ ވިސްނުންފުޅު ޝިޔާމް ވަނީ ހިއްސާކުރައްވާފައެވެ.
މީގެ އިތުރުން، ޝިޔާމް ވަނީ މެރިކަލްޗާ ތަރައްގީ ކުރުމަށް ވުޒާރާއިން ކުރަމުންދާ މަސައްކަތްތައްވެސް ހިއްސާކުރައްވާފައެވެ. އަދި އިފާޑުން ރާއްޖެއަށް ވެދެމުންދާ އެހީތެރިކަމަށް އޭނާ ވަނީ ޝުކުރު އަދާކުރައްވާފައެވެ.
ޝިޔާމް ވަނީ ކުދި އަދި މެދުފަންތީގެ ވިޔަފާރިތަކުގެ ތެރެއިން މަސް ޕްރޮސެސްކުރުމުގައި އަންހެނުންގެ ދައުރު ފާހަގަކުރައްވާ، އެ ފަރާތްތަކަށް އެހީ ބޭނުންވާ ދާއިރާތަށް ހިއްސާކުރައްވާފައެވެ.
މި ބައްދަލުވުމުގައި ތަބައްސުމް ވިދާޅުވީ މަސްވެރިކަމުގެ ދާއިރާއަށް އެހީތެރރިވުމަށް އިފާޑުން ފިޝަރީޒް މިނިސްޓްރީއާއެކު މަސައްކަތް ކުރައްވާނެ ކަމަށެވެ.
ކޮމެންޓް
Republic of Maldives