ބަންކަރިން ވިޔަފާރި | ގްރީކު އާގު ބޯޓު ކުންފުންޏަކުން ފެން ހޯދަން އެދިއްޖެ
އެމްޕީއެލްގެ ސީއީއޯ ވަޖީހު ވިދާޅުވީ އެއް މަސް ދެ މަސް ކުރިން ހިދުމަތް ހޯދަން ރިއުއެސްޓް ކުރާނެ ކަމަށާ މިހާރު ވެސް ހުށަހެޅުންތައް ދަނީ ލިބެމުންނެވެ.
ރާއްޖޭގައި ބަންކަރިން ވިޔަފާރިއާއެކު ފަށާ ހިދުމަތްތައް އިއުލާނު ކުރުމާއެކު ގްރީކުގެ އާގުބޯޓު ކުންފުންޏަކުން ފެން ސަޕްލައި ކުރަން އެމްޕީއެލްގައި އެދިއްޖެ އެވެ.
ރާއްޖޭގެ އަށް ޑިގްރީ ޗެނަލްގައި އޮންނަ އުލިގަމުގައި އެމްޕީއެލްއިން މިރޭ ވަނީ މެރިޓައިމް ހިދުމަތްދޭ އައިސްޕީއެސް ގޭޓް ހުޅުވާފަ އެވެ. މި ގޭޓުން މެރިޓައިމް ދާއިރާއާ ގުޅުންހުރި 14 ހިދުމަތެއް ދޭނެ އެވެ.
އައިސްޕީއެސް ގޭޓް ހުޅުވަން ބޭއްވި ރަސްމިއްޔާތުގައި އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް ވިދާޅުވީ ބަންކަރިން ހިދުމަތް ފަށަން ރާއްޖޭން މަސައްކަތް ކުރުމަކީ ރާއްޖެ އަށް ތިންވަނަ އިގްތިސޯދެއް އުފެދިގެންދާނެ ކަމެއް ކަމަށާ އެމްޕީއެލް އިން މިކަމުގައި ދޭ ހިދުމަތައް އިއުލާނު ކުރުމާއެކު މިހާރު ވެސް ހިދުމަތް ހޯދަން އެދެމުންދާ ކަމަށެވެ. އެގޮތުން ގްރީކުގެ 17 އާގު ބޯޓު ދުއްވާ ކުންފުންޏަކުން ފެން ސައިޕްލައި ކުރަން ވަނީ އެދިފަ އެވެ.
"މިހާރު އަޅުގަނޑުމެންނަށް އެބަ އާދޭ ރިކުއެސްޓް. ހިދުމަތް ހޯދަން އެއް މަސް ދެ މަސް ތިން މަސް ކުރިން އެ ބޭފުޅުން ރިކުއެސްޓް ކުރާނެ. މިވަގުތު ވެސް ބޭރުގެ ގްރީކުގެ 17 ބޯޓު ދުއްވާ ކުންފުންޏަކުން ފެން ބޭނުން ވެގެން އެދިފަ އެބައޮތް،" ވަޖީހު ވިދާޅުވި އެވެ.
ސަރުކާރުން ދަނީ ބަންކަރިންގެ ހިދުމަތް މާދަމާ ފަށަން ތައްޔާރުވަމުންނެވެ. މިއީ ރާއްޖޭގައި އާ އިގްތިސޯދެއް އުފައްދަން ސަރުކާރުން ކުރާ މަސައްކަތެކެވެ. އޮފްޝޯވްކޮށް ބަންކަރިން ހިދުމަތް ދެނީ ސަރުކާރުގެ ކުންފުނި އެސްޓީއޯއިންނެވެ.
ކޮމެންޓް
Republic of Maldives