ވައިގެ މަގުން ޑްރަގް އެތެރެ ކުރަން އުޅުނު މީހަކު ހައްޔަރަށް

ވައިގެ މަގުން ރާއްޖެއަށް މަސްތުވާތަކެތި އެތެރެ ކުރަން އުޅުނު ދިވެއްސަކު ހައްޔަރު ކޮށްފި އެވެ.

މިދިޔަ ހޯމަ ދުވަހު ރާއްޖެއަށް ޑްރަގް އެތެރެ ކުރަން އުޅެނިކޮށް ވެލާނާ އިންޓަނޭޝަނަލް އެއާޕޯޓުން ހައްޔަރު ކޮށްފައި ވަނީ ސ. ހިތަދޫ ސަމަންދަރު، އަހުމަދު އަހުސަން (35އ) އެވެ.

މޯލްޑިވްސް ކަސްޓަމްސްގެ ފަރާތުން ބުނެފައި ވަނީ އޭނާ އަތުން 3.5 ކިލޯއަށްވުރެ ގިނަ މަސްތުވާތަލެތި އަތުލައިގެންފައިވާ ކަމަށެވެ. އޭގެ ތެރޭގައި ހެރޮއިން، މެތުއެމްފެޓަމިން އަދި ސިންތެޓިކް ކެތިނޯން ހިމެނެ އެވެ.

ފެނުނު މަސްތުވާތަކެތީގެ ތެރެއިން 215 ގްރާމަކީ ސިންތެޓިކް ކެތިނޯން އެވެ. އަދި 315 ގްރާމަކީ މެތުއެމްފެޓަމިން އެވެ. ބާކީ ތިން ކިލޯގެ މަސްތުވާތަކެއްޗަކީ ހެރޮއިން އެވެ. 

ފުލުހުން ބުނީ އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް ދުވަހުގެ މުއްދަތު ޖަހާފައިވާ ކަމަށެވެ.