ރާއްޖޭގެ އިގްތިސޯދާއި އިންވެސްޓްމަންޓް އިސްތިހާރު ކުރަން ހޮލީވުޑާއެކު މަސައްކަތްތަކެއް
ރާއްޖޭގައި މިހާތަނަށް ޕްރޮމޯޓް ކުރަން މަސައްކަތްކޮށްފައިވަނީ ޓޫރިޒަމް އެވެ. ނަމަވެސް މިއީ އިންވެސްޓްމަންޓާއި ޒުވާނުންގެ މަސައްކަތް ހޮލީވުޑަށް ގެންދަން ކުރާ ފުރަތަމަ މަސައްކަތެވެ.
ރާއްޖޭގެ އިގްތިސޯދާއި އިންވެސްޓްމަންޓް އިސްތިހާރު ކުރަން ހޮލީވުޑާ ގުޅިގެން މަސައްކަތްތަކެއް ފަށާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި އިކޮނޮމިކް މިނިސްޓަރު ސައީދު ވިދާޅުވީ ރާއްޖޭގެ އިންވެސްޓްމަންޓާއި އިންވެސްޓްމަންޓް އަދި ކްރިއޭޓާ އިކޮނޮމީ އިސްތިހާރު ކުރަން ހޮލީވުޑްގެ ކުންފުންޏަކާއެކު މަސައްކަތް ފަށާފައިވާ ކަމަށެވެ. އެކަމަށްޓަކައި ކަނޑުއަޑީގެ މަޝްހޫރު ކާޓޫނު ފިލްމް ފައިންޑިން ނީމޯ ހެދި ފަރާތުގައި އެދިގެން މަސައްކަތް ތަކެއް ދަނީ ކުރަމުންނެވެ.
ރާއްޖޭގައި މިހާތަނަށް ހޮލީވުޑާއެކު މަސައްކަތް ކޮށްފައިވަނީ ރައީސް އަބްދުﷲ ޔާމީންގެ ވެރިކަމުގަ އެވެ. އޭރު ހޮލީވުޑްގެ ކުންފުންޏެއް ގެނެސްގެން ލ. ބަރެސްދޫގައި ފިލްމެއް ނެގި އެވެ. އެކަމަކު މިހާތަނަށް ޓޫރިޒަމް އިސްތިހާރު ކުރުން ނޫން އެހެން ކަމަކަށް މަސައްކަތެއް ނުކުރެ އެވެ.
ކޮމެންޓް
Republic of Maldives