ފަތުރުވެރިންގެ އަދަދު | ޖަރުމަނު ލައްކައަކަށް، އިންޑިއާ 80،000 އިން މައްޗަށް

ރާއްޖެ އަށް ޔޫރަޕުން އަންނަ ޓޫރިސްޓުންގެ އަދަދު އިތުރުވަމުންދާއިރު ޖަރުމަނުވިލާތުން އައި ޓޫރިސްޓުންގެ އަދަދު އެއް ލައްކަ ފަހަނަ އަޅައިގޮސް އިންޑިއާ  ފަތުރުވެރިންގެ އަދަދު 80،000 އަށްވުރެ މަތިވެއްޖެ އެވެ. 

ޓޫރިޒަމް ހިސާބުތައް ދައްކާ ގޮތުގައި މިއަދުގެ ނިޔަލަށް ރާއްޖެ އަށް އައި ޓޫރިސްޓުންގެ އަދަދު ހުރީ 1,426,697 ގަ އެވެ. ޓޫރިޒަމް އެރައިވަލް ލިސްޓުގެ އެއްވަނާގައި ޗައިނާ އޮތްއިރު މިހާރު އެންމެ ހަލުވި އިތުރުވުމެއް އައިސްފައިވަނީ ޖަރުމަނުން ފަތުރުވެރިންނަށެވެ. އެ ގައުމުން އަންނަ ޓޫރިސްޓުންގެ އަދަދު ވަނީ 100,796 އަށް އަރާފަ އެވެ. 

އިންޑިޔާ މާކެޓުން އަންނަ ޓުއަރިސްޓުން އަދަދު މަދުވުމަށްފަހު އަލުން އެގައުމުގެ ޓޫރިސްޓުންގެ އަދަދުވަނީ އިތުރުވާން ފަށާފަ އެވެ. އެގޮތުން އެ ގައުމުން 86،229 ޓޫރިސްޓުން އައިސްފައިވާކަމަށް ތަފާސްހިސާބުތަކުން ދައްކަ އެވެ. 

ޓޫރިޒަމް ހިސާބުތައް ދައްކާ ގޮތުގައި މިހާރު އެވްރެޖުކޮށް ރާއްޖެއަށް ދުވާލަކު އަންނަނީ 5,487 ޓޫރިސްޓުންނެވެ. އަދި އެވްރެޖުކޮށް ޓޫރިސްޓުން ރާއްޖޭގައި 7.7 ދުވަސް މަޑުކުރެ އެވެ.