އައިޔޫއެމްގައި ތިން ބަހުން މުހާތަބު ކުރާ ކޯލް ސެންޓަރެއް
އައިޔޫއެމް އިން ތައާރަފް ކުރި މި ކޯލް ސެންޓަރުގައި ދިވެހި، އިނގެރޭސި އަދި އަރަބި ބަހުން ދަރިވަރުންނާއި ބެލެނިވެރިންގެ އިތުރުން މައުލުމާތު ހޯދުމަށް ގުޅާ އެހެނިހެން ފަރާތްތަކާ މުހާތަބު ކުރާނެ އެވެ.
ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް) އިން ތިން ބަހުން މުހާތަބު ކުރާ ކޯލްސެންޓަރެއް ގާއިމްކޮށްފި އެވެ.
މި ކޯލް ސެންޓަރަކީ ތިން ބަހުން މުއާމަލާތްކުރާ ދިވެހިރާއްޖޭގެ ފުރުތަމަ ކޯލް ސެންޓަރެވެ. އައިޔޫއެމް އިން ތައާރަފުކުރި މި ކޯލް ސެންޓަރުގައި ދިވެހި، އިނގެރޭސި އަދި އަރަބި ބަހުން ދަރިވަރުންނާއި ބެލެނިވެރިންގެ އިތުރުން މައުލުމާތު ހޯދުމަށް ގުޅާ އެހެނިހެން ފަރާތްތަކާ މުހާތަބު ކުރާނެ އެވެ.
އައިޔޫއެމް އިން ބުނީ މި ކޯލް ސެންޓަރަށް ގުޅޭނީ އައިޔޫއެމްގެ ހޮޓްލައިން ކަމުގައިވާ 1405 މެދުވެރިކޮށް ކަމަށެވެ.
މި ކޯލްސެންޓަރު އިފްތިތާހު ކުރުމުގެ ރަސްމިއްޔާތު އެ ޔުނިވާސިޓީން ބާއްވާފައިވާއިރު، މި ރަސްމިއްޔާތު ޝަރަފުވެރި ކޮށްދެއްވާފައި ވަނީ މޯލްޑިވިސް އެއާޕޯޓްސް ކޮންޕެނީ ލިމިޓެޑް (އެމްއޭސީއެލް)ގެ މެނޭޖިން ޑިރެކްޓަރު، ޝަރީފް މުހައްމަދެވެ.
އައިޔޫއެމްގެ ބައެއް މޮޑިއުލްތައް މިހާރު ވެސް އަރަބި ބަހުން ކިޔަވައިދެ އެވެ.
ކޮމެންޓް
Republic of Maldives