ފަނަރަ އަހަރުގެ ފިރިހެން ކުއްޖަކު އަށް އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް

ފަނަރަ އަހަރުގެ ފިރިހެން ކުއްޖަކު އަށް އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ފެންމަތި ވެއްޖެ އެވެ.

މި ހާދިސާ ހިނގީ ތ އަތޮޅުގެ ރަށެއް ގަ އެވެ. މައުލޫމާތު ލިބިފައިވާ ގޮތުގަައި އަންހެން ކުއްޖާއަށް އޮޅުވާލައިގެން ފަޅުތަނަކަށް ގެންގޮސް އެ ފިރިހެން ކުއްޖާ ވަނީ އަންހެން ކުއްޖާއަށް ޖިންސީ ގޯނާ ކޮށްފަ އެވެ.

ފުލުހުން ބުނީ ސައުތު ސެންޓްރަލް ޕޮލިސް -- މ، ފ، ދ، ތ، ލ ގައި ހިމެނޭ ރަށެއް ގައި 18 އަހަރުން ދަށިގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މިއަދުގެ ވަގުތެއްގައި ފުލުހަށް ރިޕޯޓް ކޮށްފައިވާ ކަމަށެވެ.

މި މައްސަލަ ފުލުހުންނާއި ޖެންޑާ ގުޅިގެން ބަލަމުންދާ ކަމަށް ވެސް ބުންޏެވެ.

މިއީ ކުޑަކުދީންނާ ގުޅޭ ސީރިއަސް މައްސަލަތަކެއް ކަމުން ކުއްޖާގެ ވަނަވަރު ރައްކާތެރި ކުރުމަށް ކުއްޖާ ނިސްބަތްވާ އަތޮޅާއި ރަށް ފުލުހުން ހާމަ ނުކުރާނެ ކަމަށް ވެސް ބުންޏެވެ.

ރާއްޖޭގައި ޖިންސީ ގޯނާގެ މައްސަލަތައް ރިޕޯޓް ކުރާ މިންވަރު ދަނީ އިތުރުވަމުންނެވެ.

ނުކުޅެދުންތެރިކަން ހުންނަ ފިރިހެނަކަށް ޖިންސީގޯނާކުރި މީހަކު ދެކުނުގެ ފުވައްމުލަކު ސިޓީން ވެސް ވަނީ ހައްޔަރު ކޮށްފަ އެވެ.