ރާއްޖޭގެ އެއްނަންބަރު ޕްރޮޑަކްޝަން ހައުސްއަށް 18 އަހަރު، އަމާޒަކީ ބެލުންތެރީންގެ އިތުބާރު

ރާއްޖޭގެ އެންމެ ކާމިޔާބު ފިލްމު ސްޓޫޑިއޯ -- ޑާކްރެއިން އެެންޓަމައިންޓަށް މިއަދު ވަނީ 18 އަހަރު ވެފަ އެވެ. މި ދުވަހާއި ދިމާކޮށް ޑާކްރެއިން އިން ވަނީ އެ ސްޓޫޑިއޯގެ ކުރިއަށް ހުރި ޕްރޮޖެކްޓްތައް އިއުލާނުކޮށްފަ އެވެ.

ޑާކްރެއިން އިން ބުނީ މި ވޭތުވެދިޔަ 18 އަހަރަކީ ބެލުންތެރިން ބޭނުންވާ ކަހަލަ ފިލްމުތަކެއް ގެނެސްދެވޭތޯ އެ ޕްރޮޑަކްޝަން ހައުސް އިން ބުރަ މަސައްކަތް ތަކެއްކުރި ދުވަސް ތަކެއް ކަމަށެވެ.

"އަޅުގަނޑުމެންގެ އަމާޒަކި ބެލުންތެރިންގެ އިތުބާރު ހޯދުން. އަދި ޑާކްރެއިން ގެ ފިލްމުތައް ބަލަން ދާއިރު ފެންވަރާ ދޭތެރޭ އޮންނަ ޔަގީންކަން ދެމެހެއްޓުން. ކުރިއަށް އޮތްތަނުގައިވެސް އަޅުގަނޑުމެން ދެމި ތިބޭނީ އައު ފަންނުވެރިން މިދާއިރާއަށް ނެރުމުގަޔާ ބެލުންތެރިން މުނިފޫހިފިލުވުމުގެ އިތުރުން ހިތްވަރު ދެނިވި ފިލްމުތައް އުފައްދާ، ދިވެހި ފިލްމް އިންޑަސްޓްރީގެ ފެންވަރު މިހާރަށް ވުރެން އުހަށް އުފުލާދޭނެ ބައެއްގެ ގޮތުގައި،" 18 ވަނަ އަހަރީ ދުވަހާއި ގުޅިގެން އާންމުުކުރި ކުރު ސްޓޭޓްމަންޓެއް ގައި ބުނެފައި ވެ އެވެ.

ޑާކްރެއިންގެ ކުރިއަށް ހުރި ބައެއް ޕްރޮޖެކްޓްތައް؛

މީގެ އިތުރުން ދިވެހި ސިނަމާއަށް މުޅީން އަލަށް ސުޕަހީރޯ ފިލްމެއް ވެސް އުފެއްދުމަށް ނިންމާފަ އެވެ.

ޑާކްރެއިން ފާހަގަ ކުރެވުނީ ދިވެހި ފިލްމީ އިންޑަސްޓްރީއަށް އިންގިލާބީ ބަދަލެއް ގެނެސް ދިން ޕްރޮޑަކްޝަން ހައުސް އެއްގެ ގޮތުގަ އެވެ. މި ޒަމާނަށް ފެތޭ ގޮތަށް މޮޅެތި އުފެއްދުންތައް ފުރަަތަމަ ގެނެސްދޭން ފެށީ އެ ސްޓޫޑިއޯ އިންނެވެ. މިހާތަނަށް އެ ސްޓޫޑިއޯ އިން ވަނީ 35 އުފެއްދުމެއް ބެލުންތެރީންނާއި ހަމައަށް ގެނެސްދީފަ އެވެ.

މިހާތަނަށް ގެނެސްދިން ކޮންމެ އުފެއްދުމަކީ ވެސް ވަރަށް ކޮލިޓީ އުފެއްދުމެކެވެ. ފިލްމުތަކުގެ ޕޯސްޓަރުން ފެށިގެން ޓީޒާ / ޓްރެއިލާ ވެސް ޒަމާނީ ގޮތަކަށް / ބެލުންތެރީން ޝައުގުވެރިވާނެ ފަދަ ގޮތަކަށް ގެނެސްދޭން ފެށީ އެ ސްޓޫޑިއޯ އިންނެވެ. އަދި ހިތްގައިމު ރީތި މަންޒަރުތަކާއި ޓެކްނިކަލީ މޮޅު އުފެއްދުންތައް ގެނެސް ދިނުމަށް ވަރަށް ބޮޑު އިސްކަމެއް ދީގެން މަސައްކަތް ކޮށްފައިވެ އެވެ.

ދިވެހި ސިނަމާއަށް ބެލުންތެރީންގެ އޮތް އިތުބާރު އަލުން ހޯދައި ދިނީ އެ ކޮލެޓީގެ ގިނަ އުފެއްދުންތަކެއް ޑާކްރެއިން އިން ގެނެސް ދޭން ފެށުމުންނެވެ. އެކަން ވެގެން ދިޔައީ އެހެން ސްޓޫޑިއޯތަކާއި ޕްރޮޑިއުސަރުންނަށް ލިބުނު ފުރުސަތަކަށެވެ. ހިތްވަރަކަށެވެ.

ޑާކްރެއިން ފާހަގަ ކުރެވިފައި ވަނީ އާ ތަރީންނަަށް ފުރުސަތު ދިނުމާއި މި ދާއިރާއަށް އާ މީހުން ނެރުމަށް ވަރަށް އިސްކަންދޭ އަދި އެކަން ކާމިޔާބު ކަމާއެކު ކުރިއަށް ގެންދާ ސްޓޫޑިއޯއެއްގެ ގޮތުގަ އެވެ. އާ ކަންކަން ތަޖުރިބާކޮށް ދިވެހި ފިލްމީ އުފެއްދުންތައް ގެނެސް ދޭން އެ ސްޓޫޑިއޯ އިން ކުރާ މަސައްކަތަކީ ވެސް ފާހަގަކޮށްލަން ޖެހޭ ކަމެކެވެ.

ފަތިސްހަނދުވަރުގެ ފެށުން ނަމުގައި ރާއްޖޭގައި ފުރަތަމަ ފަހަރަށް 3ޑީ ފިލްމެއް ވެސް ގެނެސްދިނީ އެ ސްޓޫޑިއޯ އިންނެވެ.

"ހެޕީ ބާތުޑޭ" އާއި "އެންމެ ފަހު ވިންދާ ޖެހެންދެން" ގެ އިތުރުން "ވާށޭ މަށާ އެކީ" އަދި "ދިން ވޭނުގެ ހިތާމައިގައި" ފަދަ ފިލްމު ތަކަކީ ޑާކްރެއިންގެ އެންމެ ކާމިޔާބު / ބެލުންތެރީންގެ ބޮޑު މަގުބޫލު ކަމެއް ލިބިގެން ދިޔަ ފިލްމުތަކެވެ.

"މާމުއި" އަދި "ފުރޭތަ" ފަދަ ފިލްމުތަކަށް ވެސް އާންމުންގެ ބޮޑު ތަރުހީބެއް ލިބުނެވެ.

މީގެ އިތުރުން "ރޫމިއާ ޖަންނަތު" އަދި "ގިރިޓީ ލޯބި" ފަދަ ވެބްސީރީޒްތަކަކީ ޑާކްރެއިންގެ މޮޅެތި އުފެދުންތަކެވެ. މީގެ އިތުރުން ސިލްސިލާތަކާއި ވަރަށް ރީތި ކުރު ފިލްމުތަކެއް ވެސް އެ ސްޓޫޑިއޯ އިން ގެނެސްދީފައިވެ އެވެ. އޭގެ ތެރޭގައި "ބަޑި އެދުރު"  "އުންމީދު" "ދައުވަތު" އަދި "އަނގުރު" ފަދަ ފިލްމުތައް ހިމެނެ އެވެ.

އެ ސްޓޫޑިއޯގެ އާ ފިލްމަކީ "ބިބީ" އެވެ. މިއީ ހޮރޯ ކޮމެޑީ އެކެވެ. މިއީ މި އަހަރު ސްކްރީނަށް އަންނާނެ އެންމެ ތަފާތު ފިލްމެވެ. 18 ވަނަ އަހަރީ ދުވަހާއި ގުޅިގެން އެ ސްޓޫޑިއޯ އިން ވަނީ އަންނަ އަހަރާއި އޭގެ އަނެއް އަހަރު ގެނެސްދޭން ނިންމާފައިވާ ބައެއް އުފެއްދުންތައް ހާމަކޮށް ބެލުންތެރީން ހެއްވާލާ އުފާކޮށްދީފަ އެވެ.