ހައްޖު ކޯޕަރޭޝަންގެ އޮފީސް އިމާރާތުގެ ބިންގާ އަޅައިފި
މި އިމާރާތް އަޅަނީ ހުޅުމާލޭގަ އެވެ. ކުރީ ސަރުކާރުން ވަނީ އެ ކުންފުނީގެ އޮފީސް އިމާރާތް އެޅުމަށް ހުޅުމާލޭން ބިމެއް ގަނެފަ އެވެ. އަދި އެ މަޝްރޫއު ހަވާލުކޮށްފައި ވަނީ މެޑްޓެކް ކުންފުންޏާ އެވެ.
ރާއްޖޭން ހައްޖަށް މީހުން ގެންދިއުމަށް ސަރުކާރުން އުފައްދާފައިވާ ކުންފުނި، މޯލްޑިވްސް ހައްޖު ކޯޕަރޭޝަނުގެ އޮފީސް އިމާރާތުގެ ބިންގާ އަޅައިފި އެވެ.
މި އިމާރާތް އަޅަނީ ހުޅުމާލޭގަ އެވެ. ކުރީ ސަރުކާރުން ވަނީ އެ ކުންފުނީގެ އޮފީސް އިމާރާތް އެޅުމަށް ހުޅުމާލޭން ބިމެއް ގަނެފަ އެވެ. އަދި އެ މަޝްރޫއު ހަވާލުކޮށްފައި ވަނީ މެޑްޓެކް ކުންފުންޏާ އެވެ.
ނަމަވެސް ކުރީގެ މެނޭޖްމެންޓުން އެ އިމާރާތް އެޅުމަށް މެޑްޓެކާ ހަވާލުކޮށްފައި ވަނީ 86 މިލިއަން ރުފިޔާ އަށެވެ. ހައްޖު ކޯޕަރޭޝަނުން ބުނީ އެ ކުންފުންޏާ ވާހަކަ ދައްކައިގެން އެ އަދަދު، 79 މިލިއަން ރުފިޔާއަށް ދަށްކޮށްފައިވާ ކަމަށެވެ.
މި އިމާރާތް އެޅުމަށް އެ ކުންފުންޏާ ހަވާލުކޮށްފައި ވަނީ ކޮންޓްރެކްޓާ ފައިނޭންސް އުސޫލުން ކުރިއަށް ގެންދާ ގޮތަށެވެ.
ހައްޖު ކޯޕަރޭޝަންގެ އޮފީސް މިހާރު ހިންގަމުން ދަނީ މާލެއިން ތަނެއް ކުއްޔަށް ހިފައިގެންނެވެ. އޮފީސް އިމާރާތް އެޅުމަށް ހައްޖު ކޯޕަރޭޝަނުން ހުޅުމާލޭން ގަނެފައި ވަނީ އަމީން އެވެނިއު އޯކް ކުރިމަތިން އޮންނަ 5000 އަކަފޫޓުގެ ބިމެކެވެ. އެ ބިމުގައި އޮފީސް އިމާރާތް އަޅަނީ 2700 އަކަފޫޓުގަ އެވެ.
ކޮމެންޓް
Republic of Maldives