ރާއްޖޭން އެމްޕޮކްސް ޖެހިފައިވާ ދެ މީހަކު ފެނުނު ވާހަކައަކީ ދޮގެއް
އެޗްޕީއޭ އިން ބުނީ ރާއްޖޭން އެމްޕޮކްސްގެ އެއްވެސް ކޭސްއެއް ފެނިފައިނުވާ ކަމަަށެވެ.
ހުޅުމާލެ އިން އެ ބަލި ޖެހިފައިވާ ދެ މީހަކު ފެނިފައިވާ ކަމަށް ބުނެ ސޯޝަލް މީޑިއާގައި ދަނީ ވާހަކަ ދެކެވެމުންނެވެ. ސަރުކާރާ ދެކޮޅު ހަބަރުތައް ގެނެސްދޭ އަންޑަގްރައުންޑް ބައެއް އޮންލައިން ނޫސްތަކުން ވެސް ދަނީ އެ ވާހަކަތައް ފަތުރަމުންނެވެ.
އެ ބަލި ރާއްޖެ އިން ފެނުނުކަން ސަރުކާރުން ސިއްރު ކުރަމުންދާ ކަމަށާ ބައްޔަށް ޓެސްޓް ކުރެވެން ވެެސް ރާއްޖޭގައި ނެތް ކަމަށް ބުނެފައިވެ އެވެ.
އެ ވާހަކަތައް ވަރަށް ބޮޑަށް ފަތުރާތީ އެޗްޕީއޭ އިން ވަނީ އެކަން ދޮގުކޮށް އެކްސް ގައި ޕޯސްޓެއް ކޮށްފަ އެވެ. ބުނީ ރާއްޖޭން އެމްޕޮކްސްގެ އެއްވެސް ކޭސްއެއް ފެނިފައިނުވާ ކަމަަށެވެ.
އެ ބަލި ޖެހިފައިވާ މީހުން ދުނިޔޭގެ ގިނަ ގައުމުތަކަކުން ފެނިފައިވެ އެވެ. އެއީ ދުނިޔެެއަށް ނުރައްކާތެރި ބައްޔެއްގެ ގޮތުގައި ދުނިޔޭގެ ސިއްހަތު ޖަމިއްޔާ އިން މިހާރު ވަނީ ކަނޑައަޅާފަ އެވެ.
ކޮމެންޓް
Republic of Maldives