ފުއާދުގެ ދައުރު ހަމަވަނީ، އީސީގެ މެންބަރު ކަމަަށް ހުޅުވާލައިފި

އިލެކްޝަންސް ކޮމިޝަންގައި މިހާރު ތިއްބެވި މެންބަރުންގެ ތެރެއިން މެންބަރެއްގެ މަގާމުގެ މުއްދަތު ހަމަވާތީ، އެ ކޮމިޝަނަށް މެންބަރަކު ޢައްޔަންކުރެއްވުމަށްޓަކައި މެންބަރުކަމުގެ މަގާމަށް ކުރިމަތިލުމުގެ ފުރުޞަތު ރައީސުލްޖުމްހޫރިއްޔާގެ އޮފީހުން މިއަދު ހުޅުވާލައްވައިފިއެވެ. 

ދައުރު ހަމަވަނީ ކޮމިޝަންގެ ރައީސް ފުއާދު ތައުފީގުގެ އެވެ.

ރައީސް އޮފީހުން ބުނީ އިލެކްޝަންސް ކޮމިޝަންގެ މެންބަރުކަމަށް އެދި ހުށަހެޅުމުގެ ފުރުޞަތު މިއަދުން ފެށިގެން ސެޕްޓެންބަރު 23 ވާ ހޯމަ ދުވަހުގެ 12:00 ގެ ނިޔަލަށް ވަނީ ހުޅުވާލާފައިވާ ކަމަށެވެ.

އެ ކޮމިޝަނުގެ މެންބަރުކަމަށް ކުރިމަތިލުމަށް އެދި ހުށަހަޅާ ފޯމު ބަލައިގަތުމަށް ހަމަޖެހިފައިވަނީ މިކަމަށް ކުރިމަތިލުމަށް ދީފައިވާ މުއްދަތުގައި ރަސްމީ ބަންދުދުވަސްތައް ފިޔަވައި އެހެން ދުވަސްދުވަހުގެ ހެނދުނު 8:30 އިން މެންދުރު 12:00 އަށް ރައީސުލްޖުމްހޫރިއްޔާގެ އޮފީހުން ކަމަަށް ވެސް ބުންޏެވެ.

ފުއާދުގެ ދައުރު ހަމަވާން ދެން އޮތީ މަދު ދުވަސްކޮޅެކެވެ. ފުއާދަކީ ކޮމިޝަންގެ ރައީސްގެ ދެ ފަހަރު ކުރައްވާފައިވާ އިންތިހާބާ ގުޅޭ ކަންކަމުގައި ވަރަށް ތަޖުރިބާކާރު ބޭފުޅެކެވެ.