ޔޫރަޕު ޓޫރިސްޓުން ބޮޑުތަން އިތުރުވިޔަސް މެދުއިރުމަތިން ދަށް

މި އަހަރުގެ މިހާތަނަށް ޔޫރަޕުން ރާއްޖެ އައި ޓޫރިސްޓުންގެ އަދަދު ބޮޑުތަނުން އިތުރުވިނަމަވެސް މެދުއިރުމަތިން އައިސްފައިވާ ޓޫރިސްޓުންގެ އަދަދު ދަށްވެފައިވާ ކަމަށް ދައްކައިފި އެވެ. 

ޓޫރިޒަމް ހިސާބުތައް ދައްކާ ގޮތުގައި މިދިޔަ އަހަރުގެ ޖުލައި މަހުގެ ނިޔަލަށް 613,773 ޓޫރިސްޓުން އައިސްފައިވެ އެވެ. ނަމަވެސް މި އަހަރުގެ ޖުލައި މަހުގެ ނިޔަލަށް އައިސް ޓޫރިސްޓުންގެ އަދަދު އުޅެނީ 698,125 ޓޫރިސްޓުން އައިސްފައިވެ އެވެ. އެހެންވެ މިއީ 14 ޕަސެންޓުގެ އިތުރުވުމެކެވެ. މައުލޫމާތުތައް ދައްކާ ގޮތުުގައި އީސްޓް މެޑިޓެރޭނިއަން ޔޫރަޕުން ނޫން ހުރިހާ ހިސާބަކުން އަންނަ ޓޫރިސްޓުންގެ އަދަދު ވަނީ އިތުރުވެފަ އެވެ. އިޒްރޭލާއި ތުރުކީ ހިމެނޭ މި ސަރަހައްދުން އައި ޓޫރިސްޓުންގެ އަދަދު 22 ޕަސެންޓް ދަށްވެފައިވެ އެވެ. 

ޖުލައި މަހުގެ ނިޔަލަށް އެންމެ ގިނައިން ޓޫރިސްޓުން އައިސްފައިވަނީ ރަޝިއާ އިން ނެވެ. ޖުލައިގެ ނިޔަލަށް 126,290 ޓޫރިސްޓުން އައިސްފައިވެ އެވެ. ނަމަވެސް މިދިޔަ އަހަރުގެ ޖުލައިގެ ނިޔަލަށް 127,004 ޓޫރިސްޓުން އައިސްފައިވެ އެވެ. މި މުއްދަތާ ހަމައަށް ބަލާއިރު ރަޝިއާ އިން އައި ޓޫރިސްޓުންގެ އަދަދު ވަނީ ދަށްވުމެއް އައިސްފަ އެވެ.    

ޔޫރަޕުން އައި ޓޫރިސްޓުންގެ އަދަދު ޖުލައިގެ ނިޔަލަށް އިތުރުވިނަމަވެސް މެެދުއިރުމަތިން އައި ޓޫރިސްޓުންގެ އަދަދު އިތުރުވެފައެއް ނުވެ އެވެ. މެދުއިރުމަތިން މިދިޔަ އަހަރު 50,782 ޓޫރިސްޓުން އައިސްފައިވާއިރު މި އަހަރު އައިސްފައިވަނީ 48,899 ޓޫރިސްޓުންނެވެ.