އޭނާ ވަނީ މިކަމަށް އެއްބަސްވެ، އޭނާ އަށް އެކަން ކުރެވުނީ ޖަޒުބާތުގައި ޖެހިގެން ކަމަށާއި އެކަމާ ދެރަވާ ކަމަށް ބުނެ މައާފަށްވެސް އެދިފަ އެވެ.
މާލޭގެ ސްކޫލަކަށް ވަދެ ޓީޗަރަކަށް ބިރުދެއްކި މީހަކު ހައްޔަރުކުރުމުން އޭނާ އެކަން ކުރީ ޖަޒުބާތުގައި ޖެހިގެންކަމަށް ބުނެފި އެވެ.
މި މައްސަލަ އާއި ގުޅިގެން ހައްޔަރުކޮށްފައިވަނީ މއ. ކަނޑޫގެ، އަހުމަދު އަލީ 27އ، އެވެ.
އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން ކޯޓުން ވަނީ އޭނާގެ ބަންދަށް 10 ދުވަސްދީފައެވެ.
ބަންދު އަމުރުގައިިވާގޮތުން އޭނާވަނީ ސްކޫލަކަށް ވަދެ، ދަރިވަރުންނަށް ކިޔަވައިދިނުމަށް ކުލާސްރޫމުގައި ހުރި ޓީޗަރަށް ބިރުދއްކާފައެވެ. އަދި އޭނާ މިކަން ކޮށްފައިވަނީ ދަރިވަރުން ކުރިމަތީގަ އެވެ.
އަމުރުގައިވާގޮތުން އޭނާ ވަނީ މިކަމަށް އެއްބަސްވެ، އޭނާ އަށް އެކަން ކުރެވުނީ ޖަޒުބާތުގައި ޖެހިގެން ކަމަށާއި އެކަމާ ދެރަވާ ކަމަށް ބުނެ މައާފަށްވެސް އެދިފައެވެ. އެހެން ކަމުން މި މައްސަލައިގެ ތަހުގީގު އަވަސްކޮށް ދައުވާ ކުރުމާމެދު ގޮތެއް ނިންމުމަށް ޕްރޮސެކިއުޓާ ޖެނެރަލްގެ އޮފީހާއި މަޝްވަރާ ކުރަމުންދާ ކަމަށް ފުލުހުން ވަނީ ކޯޓުގައި ބުނެފަ އެވެ.
މި މައްސަލައިގައި ހައްޔަރު ކުރި މީހާ އަކީ ވަރަށް ގިނަ ކުށުގެ ރެކޯޑު އޮތް މީހެއް ކަމަށާއި ބަންދުން ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާވާނެ ކަމަށް ކުރިމިނިލް ކޯޓުގެ ގާޒީ އިބްރާހިމް އިހުސާނު ވަނީ ކަނޑައަޅުއްވާފަ އެވެ.
މީގެ ކުރިންވެސް ސުކޫލްތަކަށް ވަދެ މުވައްޒަފުންނާއި ޓީޗަރުންނަށް ބިރުދެއްކި މީހަކު ހައްޔަރުކޮށް ހުކުމްވެސް ކުރި އެވެ.