ފަތުރުވެރިކަން ކުރިއެރުވުމަށް އައްޑުސިޓީ ފޭދޫގައި ޓޫރިސްޓު ބީޗެއް

ފަތުރުވެރިކަން ކުރިއެރުވުމަށްޓަލައި އައްޑޫސިޓީ ފޭދޫގައި ޓޫރިސްޓް ބީޗެއް ހެދުމުގެ މަސައްކަތް ފަށައިފި އެވެ.

އައްޑޫސިޓީ ކައުންސިލުން ބުނީ އެ ސިޓީގެ ފަތުރުވެރިކަމުގެ ސިނާޔަތް ކުރިއެރުމަށްޓަކައި އެ ކައުންސިލުން މަސައްކަތްތަކެއް ކުރަމުން ގެންދާ ކަމަށެވެ. އެގޮތުން، ފޭދޫ ދިގިހެރެ ސަރަހައްދުގައި ގާއިމް ކުރާ ޓޫރިސްޓް ބީޗްގެ މަސައްކަތް ވަރަށް އަވަހަށް ނިމިގެން ދާނެ ކަމަށް އެ ކައުންސިލުން ވަނީ ބުނެފަ އެވެ.

އެ ކައުންސިލުން އިތުރަށް ބުނީ މި ބީޗަކީ އައްޑޫސިޓީގެ ގެސްޓުހައުސްތަކަށް އަންނަ ފަތުރުވެރިންނަށް ހާއްސަ ބީޗެއް ކަމަށެވެ. 

އައްޑޫސިޓީ ކައުންސިލުން ވަނީ މި ބީޗު ހެދުމުގައި އަމަލީ ގޮތުން ބައިވެރިވާ އާންމު ފަރާތްތަކާއި، ޕަބްލިކް ވޯކްސްގެ އިތުރުން އިކުއެޓޯރިއަލް ޑައިވާސް ވިލެޖުގެ މުވައްޒަފުން ކުރަމުންދާ މަސައްކަތްތަކަށް ޝުކުރު އަދާކޮށްފަ އެވެ.