"އަމާޒަކީ އިންވެސްޓްމަންޓް ދައުރު ފުޅާކޮށް އިގުތިސާދީ ތަރައްގީ ގެނައުން"
"މި މަސައްކަތަކީ ޔޫއެސް ޑޮލަރުން ފައިސާ ލިބޭނެ ކަމެއް. މިހާރުވެސް މިކަމަށް ކުރިއެރުންތަކެއް މިވަނީ ލިބިފަ. އަޅުގަނޑުމެން މިހާރު މިދަނީ ދުނިޔޭގެ އެކި ގައުމުތަކުގެ ކުންފުނިތަކާއެކު މި މަސައްކަތް ކުރިއަރުވަން މަސައްކަތް ކުރަމުން،"
ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅުތަކުގެ ތެރޭގައި އިގުތިސާދީ ދާއިރާއިން ބޮޑެތި ރީފޯމްގެ މަސައްކަތްތަކެއް އެބަހުރިކަމަށާއި އެގޮތުން ފޮރިން ޑައިރެކްޓް އިންވެސްޓްމަންޓްގެ ދައުރު ފުޅާކޮށް އޭގެތެރެއިން އިގުތިސާދީ ތަރައްގީ ގެނައުމަކީ މިސަރުކާރުގެ އަމާޒެއްކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ރައީސް އޮފީހުގައި މިއަދު އޮތް ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ސައީދު ވިދާޅުވީ ރާއްޖޭގެ ވިޔަފާރި ފުޅާކުރުމާއި، ރާއްޖެއަކީ ވިޔަފާރިކުރަން ފަސޭހަތަކަށް ހެދުމާއި، އަދި ރިއަލް އެސްޓޭޓްގެ ދާއިރާ އާ ވިޔަފާރީގެ ދާއިރާއަކަށް ރާއްޖެ ހެދުމަކީ ރައީސް މުއިއްޒުގެ ވައުދުފުޅެއް ކަމަށެވެ.
އެގޮތުން މިހާރު ތައާރަފްކޮށްފައިވާ "އިންވެސްޓަރ ވިސާ"ގެ އެންމެ ބޮޑު އެއް މަގުސަދަކީ ކުރިއަރާފައިވާ ގައުމުތަކުގައި ރިއަލް އެސްޓޭޓް ބާޒާރު ފުޅާކުރި ތަޖުރިބާއާއި، ބައިނަލްއަގްވާމީ ފަންނީ ލަފާގެ އަލީގައި ރާއްޖޭގެ އިގުތިސާދީ ހަރަކާތްތައް އިތުރުކުރުންކަމަށް ސައީދު ވިދާޅުވި އެވެ. އަދި މި ވިސާގެ ސަބަބުން ރާއްޖެއަށް އިތުރު އިންވެސްޓްމަންޓްތައް ގެނައުމަށް މަގުފަހިވެގެންދާނެކަމަށްވެސް ވިދާޅުވި އެވެ.
"މި މަސައްކަތަކީ ޔޫއެސް ޑޮލަރުން ފައިސާ ލިބޭނެ ކަމެއް. މިހާރުވެސް މިކަމަށް ކުރިއެރުންތަކެއް މިވަނީ ލިބިފަ. އަޅުގަނޑުމެން މިހާރު މިދަނީ ދުނިޔޭގެ އެކި ގައުމުތަކުގެ ކުންފުނިތަކާއެކު މި މަސައްކަތް ކުރިއަރުވަން މަސައްކަތް ކުރަމުން،" އޭނާ ވިދާޅުވި އެވެ.
މި ބައްދަލުވުމުގައި ފިޗުން ރާއްޖޭގެ ރޭޓިން ދަށްކޮށްފައިވުމާ ގުޅިގެން ނޫސްވެރިއަކު ކުރެއްވި ސުވާލަކަށް ޖަވާބު ދެއްވަމުން ސައީދު ވިދާޅުވީ ރައީސް މުއިއްޒު ވެރިކަމާ ހަވާލުވެ ވަޑައިގެންނެވި އިރުވެސް އެކަން އެނގިވަޑައިގަންނަވާ ކަމަށެވެ. އަދި ވިދާޅުވީ މި ވެރިިކަމަށް އަހަރެއް ނުވާ ކަމަށާއި ފުރަތަމައިނުންވެސް ކުރަން ޖެހިވަޑައިގެންނެވި ކަމަކީ ވާރުތަވި ދަރަނި ސާފު ކުރުން ކަމަށެވެ.
މީގެ އިތުރުން ވިދާޅުވީ ކުންފުނިތަަކާއި އެކުންފުނިތަކުގެ މުސާރައަށް ނުކަތާ ވަރަށް މުވައްޒަފުން، ކެމްޕެއިނާ ދިމާކޮށް ނަގަމުންދިޔަ ކަމަށެވެ. އޭގެ ނަތީޖާއަކަށް ވެގެންދަނީ އެކުންފުނިތަކުގެ ހިންގުން އިތުރު ނުވެ ދަރަނި އިތުރުވުން ކަމަށްވެސް ވިދާޅުވި އެވެ. އަދި ފައިިސާ ޗާޕު ކޮށްގެން ރާއްޖޭގެ އިކޮނޮމީ ހިނދާނެ ވަރަކަށް ހިންދާފައިވާ ކަމަށްވެސް ވިދާޅުވި އެވެ.
ކޮމެންޓް
Republic of Maldives