ޖަރުމަނުގައި ރާއްޖެ ތަމްސީލް ކުރާނެ އެޖެންސީއެއް ހޯދަނީ
ޖަރުމަނު ވިލާތަކީ ރާއްޖެއަށް އެންމެ ގިނައިން ޓޫރިސްޓުން އަންނަ 10 ގައުމުގެ ތެރޭގައި ހިމެނޭ ގައުމެކެވެ.
ރާއްޖެ އަށް އެންމެ ގިނައިން ޓޫރިސްޓުން އަންނަ އެއް ގައުމު ކަމަށްވާ ޖަރުމަނުވިލާތުގައި ރާއްޖެ ތަމްސީލް ކުރާނެ އޭޖެންސީއެއް ހޯދުމުގެ މަސައްކަތް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން އިއުލާނުކޮށްފި އެވެ.
ސަރުކާރުގެ މާކެޓިން ކުންފުނި އެމްއެމްޕީއާރުސީ އިން ބުނީ އެއް އަހަރު ދުވަހުގެ މުއްދަތަށެވެ. މި އެޖެންސީ ނެގުމުގެ މަގުސަދަކީ ރާއްޖޭގެ ޓޫރިޒަމް އެ ގައުމުގައި އިސްތިހާރު ކުރުމެވެ.
ޖަރުމަނިވިލާތަކީ ރާއްޖޭން ބައިވެރިވާ އެންމެ ބޮޑު ޓޫރިޒަމް ފެއާ އޮންނަ ގައުމެވެ. ޖަރުމަނު ހިމެނެނީ ރާއްޖެ އަށް އެންމެ ގިނަ ޓޫރިސްޓުން އަންނަ 10 ގައުމުގެ ތެރޭގަ އެވެ. އެ ގައުމުން އަންނަ ޓޫރިސްޓުންގެ އަދަދު ވަނީ އެއް ލައްކައާ ގާތްވެފަ އެވެ.
ކޮމެންޓް
Republic of Maldives