ގަމު ބޯޓް އިންޖީނު ހުއްޓިފައި އޮއްވާ ކޯސްޓްގާޑުން ހޯދައިފި

ހަ މީހުނާއެކު މާލެއަށް ފުރި ފަހުން ހަބަރެއް ނުވެ ގެއްލުނު ހަައްދުންމަތީ ގަމު ބޯޓު ފެނިއްޖެ އެވެ.

ބޯޓްގެ ވެރިފަރާތުން ރޭ ބުނީ އިއްޔެ ހެނދުނު ލ. ގަމުން މާލެ ދިއުމަށް ފުރި، ލ.ގަމުގައި ދުއްވާ "އަކިރިސް" ބޯޓްގެ ޚަބަރެއް ނުވެގެން ކޯސްޓްގާޑަށް ރިޕޯޓް ކުރި ކަމަށެވެ.

ބޯޓް ފުރީ އޮގަސްޓް 29 ވަނަ ދުވަހުގެ ހެނދުނު ކަމަށާ ބޯޓުގައި ދެ ދިވެހީންނާއި ހަތަރެއް ނުވަތަ ފަސް ބިދޭސީން ތިބި ކަމަށެވެ. އެންމެފަހުން ބޯޓްގެ ހަބަރެއް ވީ އިއްޔެ ހެނދުނު 
9:18 ހާއިރު ކަމަށާ ބޯޓްގެ އެންމެ ފަހުގެ ލޮކޭޝަން ގޮތުގައި ދައްކަނީ ލ. އިސްދޫއާ ދިމާ ބޭރު ގައި އޮއްވާ ކަމަށް ރޭ ބޯޓުގެ ވެރިފަރާތުން ބުންޏެވެ.

ކޯސްޓްގާޑުން ބުނީ ބޯޓް ލޮކޭޓް ކުރިފައި ވަނީ މ. ރަތްމަންދޫގެ އިރުން 22 މޭލު ބޭރުން ކަމަށެވެ. އޭރު ބޯޓްގެ އިންޖީނު ވަނީ ހުއްޓިފަ އެވެ.

ބޯޓް ފެނުނީ ކޯސްޓްގާޑް "މާފަތް ލޯންޗް" އަށެވެ.

ބޯޓުން 14 މީހަކު ދަތުރުކުރި ކަމަށާ އެންމެންގެ ހާލު ވެސް ރަނގަޅު ކަމަށް ބުންޏެވެ.