މެންބަރުކަމުގެ މަގާމަށް ކުރިމަތިލުމަށް އެދޭ ފޯމުތަކާއި އިގުރާރު ރައީސުލްޖުމްހޫރިއްޔާގެ އޮފީހުގެ ރިސެޕްޝަނުންނާއި، ރައީސުލްޖުމްހޫރިއްޔާގެ އޮފީހުގެ ވެބްސައިޓުން ޑައުންލޯޑް ކުރެވެން ހުންނާނެ އެވެ.
ޓެކްސް އެޕީލް ޓްރައިބިއުނަލްގެ ހުސްވެފައިވާ މަގާމުތަކަށް މެންބަރުން އައްޔަނު ކުރުމަށް އެ މަގާމުތަކަށް ކުރިމަތިލުމުގެ ފުރުސަތު ރައީސުލްޖުމްހޫރިއްޔާގެ އޮފީހުން މިއަދު ހުޅުވާލައިފި އެވެ.
އެ އޮފީހުން ބުނީ މި މަގާމަށް ކުރިމަތިލާ މީހުންގެ ފޯމު ބަލައިގަތުމަށް ހަމަޖެހިފައި ވަނީ 17 ސެޕްޓެންބަރުގެ ހެނދުނު 09:30 އިން މެންދުރު 12:00 އަށް ރައީސުލްޖުމްހޫރިއްޔާގެ އޮފީހުން ކަމަށެވެ.
މެންބަރުކަމުގެ މަގާމަށް ކުރިމަތިލުމަށް އެދޭ ފޯމުތަކާއި އިގުރާރު ރައީސުލްޖުމްހޫރިއްޔާގެ އޮފީހުގެ ރިސެޕްޝަނުންނާއި، ރައީސުލްޖުމްހޫރިއްޔާގެ އޮފީހުގެ ވެބްސައިޓުން ޑައުންލޯޑް ކުރެވެން ހުންނާނެ އެވެ.
ޓެކްސް އެޕީލް ޓްރައިބިއުނަލްގެ މެންބަރު ކަމަށް މި ހުޅުވާލީ އެ ކޮމިޝަންގެ ރައީސާއި ނާއިބު ރައީސާއި އިތުރު ދެ މެންބަރަކު މަގާމުން ވަކިކުރުމާއި ގުޅިގެންނެވެ. އެ މެންބަރުން ވަކިކުރެއްވީ ޓެކްސް އެޕީލް ޓައިބިއުނަލްގެ މެންބަރުން މަގާމުގެ ނުފޫޒު ބޭނުންކޮށްގެން ވަކި ގޮތަކަށް މައްސަލަ ނިންމައި، ކޮރަޕްޝަންގެ އަމަލުތައް ހިންގާކަން ފާހަގަވެފައިވާތީ ފަސް މެންބަރުންގެ ތެރެއިން ހަތަރު މެންބަރުން ވަކިކުރުމަށް ރައީސުލްޖުމްހޫރިއްޔާއަށް ލަފާ ދިނުމަށް ރައްޔިތުންގެ މަޖިލީހުގެ ޖުޑިޝަރީ ކޮމެޓީން ނިންމުމުންނެވެ.
މިހާރު މަގާމުގައި ހުންނެވީ ޓްރައިބިއުނަލްގެ މެންބަރު އިސްމާއިލް ސާޖިދު އެކަންޏެވެ. މަގާމުން ވަކިކުރި މެންބަރުންގެ މައްސަލަތައް މަޖިލީހަށް ހުށައެޅީ ސާޖިދެވެ.
ޓެކްސްއާ ގުޅޭ އެކި މައްސަލަތައް ބަލާ ޓެކްސް އެޕީލް ޓްރައިބިއުނަަލަށް މި މެންބަރުން އައްޔަނު ކޮށްފައި ވަނީ 2020 ވަނަ އަހަރު އެވެ.