ފަރުވާއަކަށް ރައީސް ސިންގަޕޫރަށް ފުރާވަޑަައިގެންފި

ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް މިރޭ ފުރާވަޑަައިގެންފި އެވެ.

ރައީސް އޮފީހުން ބުނީ ނުރަސްމީ ދަތުރުފުޅެއްގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒާއި އެމަނިކުފާނުގެ އަނބިކަނބަލުން މެޑަމް ސާޖިދާ މުހައްމަދު، މިރޭ ސިންގަޕޫރަށް ފުރާވަޑައިގެންފައިވާ ކަމަށެވެ.

ސިންގަޕޫރަށް ވަޑައިގެންނެވީ ސިއްހީ ފަރުވާ އަކަށެވެ. އެއީ ފުޓްބޯޅަ ކުޅުއްވަނިކޮށް ލިބިވަޑައިގެން އަނިޔާއަކާއި ގުޅިގެންނާއި ކުރީން ކުރެއްވި ސާޖަރީއަކާ ގުޅިގެންނެވެ.

ރައީސް އެއާޕޯޓަށް ވަޑައިގަތީ ޕީއެންސީގެ ޖަލްސާގައި ހުންނެވުމަށް ފަހު އެވެ. ޖަލްސާގައި ވަރަށް ދިގުކޮށް ވާހަކަފުޅު ވެސް ދެއްކެވި އެވެ.