އެލައިޑުން ޓީޓީއެމް ފެއާގައި ދިނީ ތިން ފަރާތަކަށް އިންޝުއަރެންސް ޕްލޭންތަކެއް
އެލައިޑް އިންޝުއަރެންސްއަކީ ރާއްޖޭގެ އިންޝުއަރެންސް ވިޔަފާރީގައި އެންމެ ވަރުގަދަ އެއް ކުންފުންޏެވެ.
ރާއްޖޭގެ އެންމެ ބޮޑު ޓްރެވަލް ފެއާ ޓްރެވަލް ޓްރޭޑް މޯލްޑިވްސް (ޓީޓީއެމް ފެއާ) ގެ ގާލާ އިވެންޓްގެ ތެރެއިން އެލައިޑް އިންޝުއަރަންސުން ތިން ފަރާތަކަށް ކޮމްޕްލިމެންޓަރީ އިންޝުއަރަންސް ޕްލޭންސް ހަދިޔާކޮށްފި އެވެ.
އަދާރަން ހުދުރަންފުށީގައި މިދިޔަ ހަފުތާގައި ނިމިގެން ދިޔަ މި މިއިވެންޓްގެ ތެރެއިން ނަސީބުވެރިން ހޮވާފައިވަނީ އިވެންޓަށް ދިޔަ ފަރާތްތަކުގެ މެދުގައި ނެގި ގުރުއަތަކުންނެވެ. އެގޮތުން އެލައިޑްގެ އެންމެ ފުރިހަމަ ޕްރިމިއަމް ވަރލްވައިޑް ޓްރެވަލް ޕްލޭން ލިބިފައިވަނީ އިބްރާހިމް ވަހީދާއި އަލީ ނާހިޒް އަށެވެ.
ހެލްތް އިންޝުއަރަންސް ޕްލޭންތަކުގެ ތެރެއިން، އެންމެ މަތީ ގިންތީގެ "ސިލެކްޓް ގޯލްޑް" ލިބިފައިވަނީ މުހައްމަދު މިރުސާދު އަށެވެ. އެލައިޑް އިންޝުއަރަންސް ކުންފުނީގެ ފަރާތުން މިޕްލޭންސް ހަވާލުކޮށްދެއްވާފައިވަނީ ކުންފުނީގެ ސީ.އޯއޯ ޔޫލިއާނާ ރުސޭއީ އެވެ.
އެލައިޑް އިންޝުއަރަންސަކީ މި އަހަރުގެ ޓީޓީއެމްގެ އިންޝުއަރަންސް ޕާޓްނަރެވެ. އެގޮތުން އެލައިޑުން ފޯރުކޮށްދޭ އިންޝުއަރަންސް ސޮލިއުޝަންސް އާއި ބެހޭ ގިނަ ގުނަ މައުލޫމާތު ވަނީ އެގްޒިބިޓަރުންނާއި ހިއްސާކޮށްފައެވެ.
ކޮމެންޓް
Republic of Maldives