ޓްރެފިކިން މިންގަނޑަކަށް ފެތޭ ވަރަށް މަަސްތުވާތަކެތި ހުރި ލަަގެޖަކާއި ހަވާލުވާން ދިޔަ މީހަކު ހައްޔަރުކޮށްފި އެވެ.
މަސްތުވާތަކެތި ވިއްކާ ވިޔަފާރިކުރާ މި މައްސަލައިގެ ތުހުމަތުގައި ހައްޔަރުކޮށްފައިވަނީ، ހދ. ކުމުންދޫ، ނަރުގިސްވިލާ، އަހުމަދު އައްފާން، 25އ އެވެ.
އޭނާ ހައްޔަރުކޮށް ބަންދާމެދު ކުރިމިނަލް ކޯޓަށް ހާޒިރުކުރުމުން ކޯޓުން ވަނީ ކަސްޓޯޑިއަލް ޖަލެއްގައި އޭނާ 15 ދުވަހު ބަންދު ކުރުމަށް އަމުރުކޮށްފަ އެވެ.
ބަންދު އަމުރުގައިވާގޮތުން އައްފާން މި ލަގެޖާއި ހަވާލުވާން ދިޔައީ އޭނާގެ ރައްޓެއްސަކު ބުނެގެން ކަމަށާއި ކޮންޓްރޯލް ޑެލިވަރީ އޮޕަރޭޝަނަށް އޭނާ ފުލުހުންނަށް އެއްބާރުލުން ދީފައިވާ ކަމަށެވެ.
އަމުރުގައި ބުނެފައިވަނީ މިއީ ގިނަ ބަޔަކު ބައިވެރިވެގެން ކޮށްފައިވާ ކަމެއް ކަމަށސް ބެލެވޭ ކަމަށެވެ. އަދި މި ލަގެޖުން ފެނުނު މަސްތުވާތަކެތީގެ ވަގުތީ ބަރުދަނުގައި 2.2 ކިލޯ ހުރި ކަމަށްވެސް އމަުރުގައި ވަނީ ބުނެފަ އެވެ. އަދި އައްފާންގެ މައްޗަށް ކުރެވެނީ ޖިނާއީ ބޮޑު ކުށެއްގެ ތުހުމަތު ކަމަށާއި ބަންދުން ދޫކޮށްލައިިފިނަމަ މުޖުތަމައުގެ ސަލމަތަށް ނުރައްކާވާނެ ކަމަށްވެސް އަމުރުގައި ވަނީ ބުނެފަ އެވެ.