ރައީސްގެ ކްރިމިނަލް ޖަސްޓިސް އެޑްވައިޒަރަކަށް މުހުތާޒް އައްޔަނު ކުރެއްވީ މި އަހަރުގެ ޖަނަވަރީ މަހުގެ 30 ވަނަ ދުވަހު އެވެ.
ރައީސް ޑރ. މުހައްމަދު މުއިއްޒުގެ ކްރިމިނަލް ޖަސްޓިސް އެޑްވައިޒަރަކަށް، ހުންނެވި ކުރީގެ ޕްރޮސެކިއުޓާ ޖެނެރަލް މުހުތާޒު މުހުސިން ފޮރިން މިނިސްޓްރީއަށް ބަދަލު ކުރައްވައިފި އެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާން ހީނާ ވަލީދު ވަނީ އެކަން ކަށަވަރު ކޮށް ދެއްވާފަ އެވެ. ވިދާޅުވީ ރައީސް ޑރ. މުހައްމަދު މުއިއްޒުގެ ކްރިމިނަލް ޖަސްޓިސް އެޑްވައިޒަރަކަށް، ހުންނެވި ކުރީގެ ޕްރޮސެކިއުޓާ ޖެނެރަލް މުހުތާޒު މުހުސިން ފޮރިން މިނިސްޓްރީގެ ސްޓޭޓް މިނިސްޓަރަކަށް ބަދަލު ކުރައްވާފައިވާ ކަމަށެވެ.
މި ބަދަލު ގެންނެވި ސަބަބެއް ވިދާޅެއް ނުވެ އެވެ.
ރައީސްގެ ކްރިމިނަލް ޖަސްޓިސް އެޑްވައިޒަރަކަށް މުހުތާޒް އައްޔަނު ކުރެއްވީ މި އަހަރުގެ ޖަނަވަރީ މަހުގެ 30 ވަނަ ދުވަހު އެވެ. އޭރު ސަރުކާރުން ބުނި ގޮތުގައި މުހުތާޒްގެ މައިގަނޑު މަސްއޫލިއްޔަތަކަށް ވާނީ ޖިނާއީ އަދުލުގެ ނިޒާމާ ގުޅޭ ކަންކަމުގައި ރައީސަށް ލަފާ ދެއްވުމެވެ.
ޝަރުއީ ދާއިރާގައި ގިނަ ދުވަސްތަކެއް ވާންދެން މަސައްކަތް ކޮށްފައިވާ މުހުތާޒަކީ ކުރީން ކްރިމިނަލް ކޯޓުގެ ގާޒީކަން ވެސް ކުރެއްވި ބޭފުޅެކެވެ. އޭނާ ވަނީ ޕީއެންސީ/ޕީޕީއެމް ޕްރައިމަރީގައި ދަނގެތީ ދާއިރާއަށް ވާދަކުރައްވައި ނާކާމިޔާބުވެފަ އެވެ.