ދޮގު ހަބަރުފަތުރާ، ދަރިފުޅުގެ ތައުލީމީ ހަޔާތް ނުތަނަވަސްކަމުގެ ތެރެއަށް ވައްޓާލައިފި
މިނިސްޓަރު ސައީދު ވިދާޅުވީ ސިޔާސީ ގޮތުން އޭނާއަށް ފާޑުކިޔުމަކީ މައްސަލައެއް ނޫން ކަމަށެވެ.
ދޮގު ހަބަރުފަތުރާ، ތުއްތު ދަރިފުޅުގެ ތައުލީމީ ހަޔާތް ނުތަނަވަސްކަމުގެ ތެރެއަށް ވައްޓާލާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ އެކްސްގައި ނުފޫޒު ގަދަ އެކައުންޓަކުން ސައީދުގެ ދަރިފުޅާ ގުޅުވާ ވާހަކަތަކެއް ފަތުރަމުންދާތީ އެކަމަށް އިޝާރާތް ކުރައްވަ އެވެ. އެ އެކައުންޓުން ކުރި ޕޯސްޓެއް ގައި ބުނެފައި ވަނީ އަޖިއަލް އިންޓަނޭޝަނަލް ސްކޫލުގައި ކިޔަވަމުންދާ ސައީދުގެ ދަރިފުޅާމެދު އަމަލު ކުރި ގޮތަކާމެދު ހިތްހަމަނުޖެހިގެން އެ ސުކޫލުގައި މަސައްކަތް ކުރާ އިނގިރޭސިވިލާތުގެ ޓީޗަރެއް ޑީޕޯޓް ކުރަން މަސައްކަތް ކުރާ ކަމަށެވެ.
އެކަމަށް އިޝާރާތް ކޮށް މިނިސްޓަރު ސައީދު ވިދާޅުވީ ސިޔާސީ ގޮތުން އޭނާއަށް ފާޑުކިޔުމަކީ މައްސަލައެއް ނޫން ކަމަށެވެ. ނަމަވެސް ފިލާތިބެ ބަޔަކު ޒާތީވެ އޭނާގެ ހަތަރު އަހަރުގެ ތުއްތުދަރިފުޅުގެ މުޅި ތައުލީމީ ހަޔާތް ނުތަނަވަސް ކަމުގެ ތެރެއަށް ވައްޓާލާފައިވާ ކަމަށެވެ. އަދި ވިދާޅުވީ އެފަދަ ދޮގުހަބަރުތައް ފެތުރުމަކީ ނާތަހުޒީބު އަމަލެއް ކަމަށެވެ.
ކޮމެންޓް
Republic of Maldives