ތިލަފުށީގައި ހުރި ގުދަނެއްގައި ރޯވެ އެކަކަށް އަނިޔާ
މި ހާދިސާގައި ދިވެއްސަކު ކޮންމެވެސް ވަރަކަށް ފިހި، ދުމުގެ އަސަރުކޮށްގެން ހޮސްޕިޓަލަށް ގެންގޮސްފައިވާ ކަމަށް ވެސް އެމްއެންޑީއެފް އިން ބުންޏެވެ.
އެމްއެންޑީއެފުން ބުނީ ތިލަފުށީގައި ހުރި ގުދަނެއްގައިި އަލިފާން ރޯވެގެން މިއަދު ހެނދުނު ރިޕޯޓުކޮށްފައިވާ ކަމަށެވެ. އަދި އަލިފާން ނިއްވާލުމުގެ މަސައްކަތް ކުރަމުންދާ ކަމަށެވެ. އަލިފާންގަނޑު މިހާރު ކޮންޓްރޯލް ކުރެވިފައިވީ ނަމަވެސް އެއްކޮށް ނިއްވައެއް ނުލެވެ އެވެ.
މި ހާދިސާގައި ދިވެއްސަކު ކޮންމެވެސް ވަރަކަށް ފިހި، ދުމުގެ އަސަރުކޮށްގެން ހޮސްޕިޓަލަށް ގެންގޮސްފައިވާ ކަމަށް ވެސް އެމްއެންޑީއެފް އިން ބުންޏެވެ. އަނިޔާވި މީހާ މާލެ ގެނެސް، މިހާރު އައިޖީއެމްއެޗްގައި ދަނީ ފަރުވާ ދެމުންނެވެ.
ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި އެ ގުދަނުގައި ހުރީ ވަރަށް ބޮޑަށް ރޯވެފަ އެވެ. އަދި ކައިރީގައި ހުރި އެކޮމޮޑޭޝަން ބްލޮކުތަކަށްވެސް އަލިފާނުގެ އަސަރު ކުރަމުންދާތަން ފެނެ އެވެ.
"މިރާ" އަށް އެނގިފައިވާ ގޮތުގައި ރޯވެފައިވަނީ މެރިންޑޯ އަދި ކޮކީ ޝޮޕްގެ ގުދަނުގައެވެ. ނަމަވެސް އަލިފާން ރޯވާާން ދިމާވި ސަބަބު މިހާތަނަށް ވަނީ ސާފުވާގޮތް ނުވެފަ އެވެ.
ކޮމެންޓް
Republic of Maldives