ކުއްލި ނުރައްކަލުގެ ހާލަތުގައި ގާބިލްކަން އިތުރު ކުރުމަށް ސްޓެލްކޯއިން އެންޑިއެމްއޭ އާއެކު އެއްބަސްވެއްޖެ

ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އާއި ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އާ ދެމެދު  ކުއްލި ނުރައްކަލުގެ ހާލަތްތަކުގައި ސްޓެލްކޯގެ ގާބިލުކަން އިތުރުކޮށް، ކާރިސާތަކަށް ތައްޔާރުވުމަށް މަގުފަހިކުރުމަށް އެއްބަސްވުމެއްގައި ސޮއިކޮށްފިއެވެ.

ސްޓެލްކޯ އިން ބުނީ މި އެއްބަސްވުމުގެ ދަށުން، އެކުންފުނީގެ މުވައްޒަފުންގެ ރައްކާތެރިކަމާއި ސަލާމަތްތެރިކަން ކަށަވަރުކުރުމަށް އަމާޒުކޮށް، ކުއްލި ނުރައްކަލުގެ ހާލަތްތަކުގައި އެކަށީގެންވާ ގޮތެއްގައި ކަންކަން ބެލެހެއްޓުމަށް މަސައްކަތްކުރެވޭނެ ކަމަށެވެ. އަދި ވިޔަފާރި މެދުނުކެނޑި ކުރިއަށް ގެންދިއުމަށް ބާރުއެޅުމަކީ އެންޑީއެމްއޭގެ ދެމެހެއްޓެނިވި މަސައްކަތްތަކުގެ މުހިންމު ބައެއްކަމަށްވެސް ބުންޏެވެ.

ސްޓެލްކޯގެ މެނޭޖިންގ ޑިރެކްޓަރ ފަހުމީ ވިދާޅުވީ މިކަމުގެ ސަބަބުން، އެއްވެސް ދަތިއުނދަގޫ ކަމެއް ދިމާވި ނަމަވެސް، ސްޓެލްކޯއިން ފޯރުކޮށްދޭ އަސާސީ ހިދުމަތްތައް މެދުނުކެނޑި ކުރިއަށް ގެންދެވޭނެކަން ކަށަވަރުވާނެ ކަމަށެވެ.