އައިފޯން ހައްތާ ވާނީ އަގު ބޮޑު

އައިފޯން 13 ގެ ޕްރޯ މޮޑެލްތަކަށް ވުރެ އައިފޯން 14 ގެ ޕްރޯ މޮޑެލްތަކުގެ އަގު ބޮޑެވެ. އެކަމަކު އައިފޯން 13 އިން އެޕަލް އަށް ލިބުނު އާމްދަނީއަށް ވުރެ އައިފޯން 14 އިން ލިބޭނެ ކަމަށް ބެލެވޭ އާމްދަނީ ބޮޑެވެ.

އަހަރަކަށް ވުރެ އަހަރެއް އައިފޯނުގެ އަގު ބޮޑުވުމުގައި ކުރާނެ ކަމެއް އެޕަލްއަކަށް ވެސް ނޭނގެ އެވެ. ނޭނގޭ ސަބަބަކީ އައިފޯންގެ މޮޑެލްތަކަށް -- އައިފޯން 14 އަށް ފަހު އައިފޯން 15 އަށް ގެނައުމަށް ވިސްނާފައި ހުރި ފީޗާތައް އިތުރުވުމާއި މޮޅު ވުމެވެ.

އެޕަލުން ދަނީ އައިފޯންގެ މޮޑެލްތަކަށް އާ ފީޗާތައް އަބަދުވެސް އިތުރު ކުރަމުންނެވެ. މިއިން ކޮންމެ އާ ފީޗާއަކީ އާ ޓެކްނޮލޮޖީ އެކެވެ. ކޮންމެ ޓެކްނޮލޮޖީއަކަށް އާ ޗިޕްތައް ޑިޒައިން ކުރަން ޖެހެ އެވެ.

ބައެއް ފަހަރު ޗިޕްތައް ކުދި ކުރުމަށް ދެ ޗިޕެއް އެއްކޮލައި އަލުން ޑިޒައިންކުރަ ވެސް ޖެހެ އެވެ. އަދި އެއީ އެއިން އެއްވެސް ޗިޕެއްގެ ސައިޒު ކުރީ އަހަރަށް ވުރެ ބޮޑު ނުވާނެ ގޮތަކަށެވެ. އިންޖިނޭރުންނާއި ޑިޒައިނަނުން ބަލަނީ ކުރީ އަހަރަށް ވުރެ ޗިޕްތައް ތުނި ކުރުމަށެވެ.

ޑިޒައިން ސްޓޭޖްގައި ޗިޕްތައް ތުނިކޮށް މުޅި ސާކިޓް ކުރަހައި ދޫކޮށްލުމުގެ ކުރިން ޗިޕް އުފައްދާ ކުންފުނިތަކުގައި އެ ގާބިލުކަން ހުރިތޯ ވެސް ބަލަން ޖެހެ އެވެ. ނެތް ނަމަ އާ ކާރުޚާނާތައް ބިނާކޮށް އާ މެޝިނަރީތައް އީޖާދު ކުރަން ވެސް ޖެހެ އެވެ.

މިދައްކަނީ ހުސް ފައިސާއާ ގުޅުން ހުރި ވާހަކަ އެވެ. ކުރިއަށް އޮތް އަހަރަށް އެޕަލުން ނެރޭ އައިފޯން އުފައްދަން ކުރާ މަސައްކަތްތަކުގެ ވާހަކަ އެވެ.

އާ އައިފޯނެއް އުފައްދަން ކޮންމެ ފަހަރަކު ވެސް އާ އިންވެސްޓްމަންޓްތައް ކުރަން ޖެހެ އެވެ. އާ ހާޑްވެއާ އަދި އާ ސޮފްޓްވެއާ އަކީ ވެސް އުފައްދައި ދެމެހެއްޓުމަށް ހޭދަކުރަން ޖެހޭ ވަސީލަތްތަކެކެވެ.

އައިފޯން 13 އަށް ވުރެ އައިފޯން 14 އަގު ބޮޑުވަނީ މި ސަބަބާ ހެދި އެވެ. ކުރިއަށް އޮތް އައިފޯން 15 އަދި 16 ގެ މޮޑެލްތަކުގެ އަގުވެސް ވާނީ ބޮޑެވެ. ޔަގީންކަމާ އެކު ބުނަން ކެރެނީ ހެޔޮ ނުވާނެ ކަމެވެ.

އައިފޯން އަކީ އަގުބޮޑު ނަމަވެސް ގަންނަން ރަނގަޅު ފޯނެކެވެ. ސްމާޓްފޯނެއް އޭގެ ތަބިއަތުގައި ބޭނުން ކުރެވެނީ އައިފޯނެއް ނަމަ އެވެ. ވާދަވެރިންނަށް ވުރެ އޮމާންކަމުގައި އަދި ކުޅަދާނަ ކަމުގައި އައިފޯން -- އެޕަލް ކުންފުނި އޮތްހައި ދުވަހަކު، ދެމިއޮންނާނެ ކަމަށް ބެލެވެ އެވެ.