ބެންކް ފަންޑަށް އެދުމަށް އިތުރު ފުރުސަތެއް ދީފި

ދެމެހެއްޓެނިވި ޕްރޮޖެކްޓްތަކަށް މާލީ އެހީތެރިކަން ފޯރުކޮށްދިނުމާއި ޖަމިއްޔާތައް ބާރުވެރިކޮށް، މުޖުތަމައަށް އެހީވުމަށް ބޭންކް އޮފް މޯލްޑިވްސް އިން ތައާރަފްކުރި "ބޭންކް ފަންޑް" އަށް އެދި ހުށަހެޅުމަށް އިތުރު ފުރުސަތަކަށް ހުޅުވާލައިފި އެވެ. 

ބީއެމްއެލް އިން ބުނީ މި ފަހަރު ހުޅުވާލި ފުރުސަތުގެ މުއްދަތު އަންނަ ސެޕްޓެމްބަރު މަހުގެ އަށްވަނަ ދުވަހުގެ ހަވީރު 4:00 އަށް ހަމަވާނެ ކަމަށެވެ.

"ބޭންކް ފަންޑް" ހުޅުވާލާފައި ވަނީ ރާއްޖޭގައި ރަޖިސްޓްރީކޮށްގެން ހިންގާ ޖަމިއްޔާ، ޖަމާއަތްތަކާއި ކްލަބްތަކަށެވެ. މި ފަންޑަށް އެދި ހުށަހަޅަންޖެހޭ ފޯމާއި ޕްރޮޕޯސަލް ހުށަހަޅަން ޖެހޭނީ bankfund@bml.com.mv އަށް އީމެއިލް މެދުވެރިކޮށެވެ.

މި ފަންޑުގެ ދަށުން ތައުލީމާއި، ތިމާވެއްޓާއި، ކުޅިވަރާއި މުޖުތަމައަށް ފައިދާކުރާ ދާއިރާތަކުން ފަސް ޕްރޮޖެކްޓެއް ހޮވައި، ކޮންމެ ޕްރޮޖެކްޓެއް ހިންގުމަށް 200،000 ރުފިޔާގެ ހިލޭ އެހީ ދިނުމަށް ވަނީ ހަމަޖެހިފަ އެވެ.