ގައްދޫގައި ޑްރަގް ވިޔާފަރިކުރާ މީހަކު ހައްޔަރު ކޮށްފި

ގައްދޫގައި މަސްތުވާތަކެތީގެ ވިޔާފަރިކުރާ މީހަކު ހައްޔަރު ކޮށްފި އެވެ.

ފުލުހުން ބުނީ ގަައްދޫގައި މަސްތުވާތަކެތި ގެންގުޅެ އެތަކެތީގެ ވިޔަފާރި ކުރާ ކަމަށް ލިބުނު އިންޓެލިޖެންސް މައުލޫމާތަކާއި ގުޅިގެން އިއްޔެ އޮޕަރޭޝަނެއް ހިންގާފައިވާ ކަމަށެވެ.

އެ އޮޕަރޭޝަންގައި ގައްދޫ ފަހާގެ، އަލީ ނަސީރު ވަނީ ހައްޔަރު ކޮށްފަ އެވެ. އަދި ކޯޓް އަމުރެއް ހޯދާ އެގެ ބަލާ ފާސްކޮށްފައިވާ ކަމަށާ އެގެއިން މަސްތުވާތަކެތި ފެނިފައިވާ ކަމަށެވެ. އެތަކެތީގެ ބަރުދަނުގައި 96.45 ގްރާމް ހުއްޓެވެ.

ފުލުހުން ވަނީ އޭނާގެ ފޮޓޯވެސް އާންމުކޮށްފަ އެވެ.

އޭނާގެ ބަންދަށް ގައްދޫ މެޖިސްޓްރޭޓް ކޯޓުން 15 ދުވަހުގެ ބަންދުގެ މުއްދަތެއް ވެސް ވަނީ ދީފަ އެވެ.