މާފަރު ޖެޓްޕާކިން އިތުރު ކުރަން އޭޕްރަން ބޮޑު ކުރުން އެމްޓީސީސީއަށް

ނޫނުގައި ހިންގާ މާފަރު އިންޓަނޭޝަނަލް އެއާޕޯޓު (އެމްއައިއޭ) ގެ އޭޕްރަން ބޮޑުކުރުމުގެ މަޝްރޫއު އައިލެންޑް އޭވިއޭޝަނުން އެމްޓީސީސީއާ ހަވާލުކޮށްފި އެވެ.

އެމްޓީސީސީގައި މިއަދު އޮތް ރަސްމިއްޔާތެއްގައި މި މަޝްރޫއުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ ޗީފް ޢަބްދުالله ޒިޔާދެވެ. އަދި އައިލޭންޑް އޭވިއޭޝަންގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް އިޔާސް އެވެ.

މި މަޝްރޫއުގެ ދަށުން މާފަރު އެއާޕޯޓްގެ އޭޕްރަން ބޮޑުކުރުމުގެ މަސައްކަތް ނިމުމާއެކު އެއާޕޯޓްގެ ހިދުމަތް އިތުރަށް ޒަމާނިވެ ފުރިހަމަވެގެންދާނެ އެވެ. އަދ، އެމްޓީސީސީ އިން ކުރިއަށްގެންދާ މާފަރު އެކްސްޕޭންޝަން މަޝްރޫއު ނިމިގެން ދިޔުމުން މި އެއާޕޯޓްގެ ހިދުމަތް އިތުރަށް ފުޅާވެ ވަޒީފާގެ ފުރުސަތު އިތުރުވެގެން ދާނެ އެވެ. ހަމައެހެންމެ ޕްރައިވެޓް ޖެޓްތައް ޕާކް ކުރާނޭ އިތުރު ޖާގަ ލިބުމާއެކު ޕްރައިވެޓް ޖެޓްތައް މާފަރު އެއާޕޯޓްގައި ޖައްސާ އަދަދު ވެސް ގިނަވެގެން ދާނެ އެވެ. އަދި ޓޫރިސްޓުން މި ސަރަހައްދަށް އަންނަ އަދަދު މަތިވެ އެއާޕޯޓަށް ޖެޓް ޕާކިން އިން ލިބޭ އާމްދަނީ ބޮޑުވެގެންދާނެ އެވެ.

ކުރާނެ މަސައްކަތް -- މި މަޝްރޫއުގެ ދަށުން މިހާރު އޮތް 453 އަކަ މީޓަރުގެ ފަޔާ ރޯޑު ތަޅާލުމާއ،ި 18,660 އަކަ މީޓަރު ސަރަހައްދެއްގެ ވެލިގަނޑުގެ މަތީ ފަށަލަ ނަގައ، ސަބްބޭސް ތައްޔާރުކޮށް ވެއަރިންގް ކޯސްއެއް އެޅުމާއި 4,047 އަކަ މީޓަރުގެ ސަރަހައްދެއް ގްރޭޑްކޮށް ކޮމްޕެކްޓްކުރުމުގެ މަސައްކަތް ހިމެނެއެވެ. މީގެ އިތުރުނ،ް އެއާފީލްޑް ލައިޓިން ސިސްޓަމެއް ގާއިމުކުރުމުގެ މަސައްކަތް ވެސް ކުރާނެ އެވެ. މި މަޝްރޫއުގެ އަގަކީ 29.85 މިލިއަން ރުފިޔާ އެވެ. ހަވާލުކުރީ 180 ދުވަހުގެ ތެރޭގައި މަސައްކަތް ނިންމާށެވެ.

އާބާދީގައި 1,250 މީހުންގެ އާބާދީއެއް އޮންނަ މާފަރު ރައްޔިތުން އާއްމުގޮތެއްގައި އާމްދަނީ ހޯދަން ކޮށްއުޅޭ މަސައްކަތަކީ މަސްވެރިކަމާއި ގެދޮރު އިމާރާތްކުރުމުގެ މަސައްކަތެވެ. މީގެ އިތުރުން މާފަރު އެއާޕޯރޓްގައި ވެސް ގިނަ އަދަދެއްގެ ރަށު ރައްޔިތުން
އަންނަނީ ވަޒީފާ އަދާ ކުރަމުންނެވެ.