ހުޅަނގު މޫސުމުގެ ބާރު ގަދަވަނީ، މީ ވިއްސާރަ ދުވަސްތަކެއް
މޫސުމާ ބެހޭ ގައުމީ އިދާރާއާ ހަވާލާދީ އެންޑީއެމްއޭ އިން ބުނީ މިއަދާ ލައިގެން ކުރިއަށް އޮތް ހަތަރު ދުވަހު ވިލާގަނޑުގައި ގަޑިއަކު 40 މޭލާއި 45 މޭލާއި ދެމެދު ވައި ބާރުވާނެ ކަމަށެވެ. އަދި ވިލާގަނޑުގައި ކަނޑުތައް ވެސް ގަދަވާނެ ކަމަށެވެ.
މާދަމާ އިން ފެށިގެން ރާއްޖެ ސަރަހައްދުގައި ހުޅަނގު މޫސުމުގެ ބާރު ގަދަވާނެ ކަމަށާއި މިއަދާއެކު ކުރިއަށް އޮތް ހަތަރު ދުވަހު ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އިން ބުނެފި އެވެ.
މޫސުމާ ބެހޭ ގައުމީ އިދާރާއާ ހަވާލާދީ އެންޑީއެމްއޭ އިން ބުނީ މިއަދާ ލައިގެން ކުރިއަށް އޮތް ހަތަރު ދުވަހު ވިލާގަނޑުގައި ގަޑިއަކު 40 މޭލާއި 45 މޭލާއި ދެމެދު ވައި ބާރުވާނެ ކަމަށެވެ. އަދި ވިލާގަނޑުގައި ކަނޑުތައް ވެސް ގަދަވާނެ ކަމަށެވެ.
އެހެންކަމުން، ރައްޔިތުންގެ މުދަލާ ގެދޮރަށް ލިބިދާނެ ގެއްލުމަށް ރައްކާތެރިވުމަށް ދުރާލާ މަސައްކަތް ކުރުމަށް އެ އޮތޯރިޓީން ވަނީ އިލްތިމާސްކޮށްފަ އެވެ.
އެގޮތުން، ވާރޭ ވެހި ފެންބޮޑުވެދާނެ ކަމަށް ކުރިޔާލާ ތައްޔާރުވުމާއި ގެއަށް ފެން ނުވަންނާނެހެން ރައްކާތެރި ފިޔަވަޅު އެޅުމަށް އެންޑީއެމްއޭ އިން ވަނީ އިލްތިމާސްކޮށްފަ އެވެ.
އޭގެ އިތުރުން، ގޭތެރޭގައި ފެންބޮޑުވެއްޖެނަމަ ގެއްލުން ވެދާނެ މުދާތައް ފެން ނުޖެހޭ ތަނަކަށް ބަދަލުކުރުމާއި، ވައި ގަދަވުމުގެ ސަބަބުން ފުރާޅު އެއްލާލާނެ ކަމަށް ލަފާކުރެވޭނަމަ ވާ ފަދަ އެއްޗަކުން އައްސާފާ ބޭއްވުމަށް ވެސް އިލްތިމާސްކޮށްފައިވެ އެވެ. އަދި، ބޭނުން ނުކުރާނަމަ ކަރަންޓު ސާމާނު ނިއްވާފައި ބެހެއްޓުމުގެ އިތުރުން ކަނޑުދަތުރު ކުރާ ފަރާތްތަކުން މޫސުމަށް ބެލުމަށް ވެސް އިލްތިމާސްކޮށްފައިވެ އެވެ.
ކޮމެންޓް
Republic of Maldives