ކޮމިއުނިޓީ ފަންޑުން ބޮޑުފޮޅުދޫ ސްކޫލަށް ބޯފެން

ދިވެހި ބޭންކް، ބީއެމްއެލްގެ ކޮމިއުނިޓީ ފަންޑުން އއ. ބޮޑުފޮޅުދޫ ސްކޫލްގެ އާރުއޯ މެޝިނެއް ބަހައްޓައިދީފި އެވެ.

ބީއެމްއެލްއިން ބުނީ ފަންޑުގެ އެ ޕްރޮޖެކްޓަކީ އެ ރަށު ސްކޫލުގެ ދަރިވަރުންނާއި މުވައްޒަފުން ބޯނެ ރައްކާތެރި ފެން ފޯރުކޮށްދޭށާއި އެއްފަހަރާ ބޭނުންކޮށްފައި އުކާލެވޭ ޕްލާސްޓިކް މަދުކުރަން އެހީތެރިވެ ދިނުން ކަމަށެވެ. މި މަސައްކަތުގައި އިންޑަސްޓްރިއަލް އާރުއޯ މެޝިނަކާއި ދެ ވޯޓާ ޑިސްޕެންސަރު ވެސް ބަހައްޓައި ދިނެވެ.

ޕްރޮޕޯސަލެއް ކާމިޔާބު ކުރުމުން ކޮމިއުނީ ފަންޑުން އެހީވީ ރިވޮލިއުޝަނަރީ ބޮޑުފޮޅުދޫ ޖެނެރޭޝަނަށެވެ.

އެ ޖަމާއަތުގެ އިސް ވެރިޔަކު ވިދާޅުވީ އެ ޕްރޮޖެކްޓްގެ ސަބަބުން ބޮޑުފޮޅުދީ ސްކޫލުގައި ކިޔަވާ 186 ދަރިވަރުންނާއި މުވައްޒަފުންގެ އިތުރުން ސްކޫލަށް ޒިޔާރަތް ކުރާ ފަރާތްތަކަށް ރައްކާތެރި ބޯފެން ލިބޭނެ ކަމަށާއި އުންމީދަކީ ޕްރޮޖެކްޓްގެ ސަބަބުން ރަށުގެ ރައްޔިތުން ތިމާވެށި ރައްކާތެރި ކުރުމަށް އެހީތެރިވެގެން ވެސް ދިޔު ކަމަށެވެ.