އެލްޖީއޭގެ އާ ސީއީއޯއަކަށް ނިމާލް
އެ މަގާމަށް ނިމާލް އައްޔަނުކޮށްފައި ވަނީ އެ މަގާމުގައި ކުރިން ހުންނެވި ޑރ. މަރިޔަމް ޒުލްފާ މަގާމުން ވަކިކުރެއްވުމަށްފަހު ފޮރިން މިނިސްޓްރީގެ ސްޓޭޓް މިނިސްޓަރަކަށް އައްޔަނު ކުރުމަށްފަހު އެވެ.
ލޯކަލް ގަވަމަންޓް އޮތޯރިޓީ (އެލްޖީއޭ) ގެ ސީއީއޯގެ މަގާމަށް ބައެއް ކުންފުނިތަކުގެ މެނޭޖިން ޑިރެކްޓަރުކަން ކުރައްވާފައިވާ މުހައްމަދު ނިމާލް ހަމަޖައްސަވައިފި އެވެ.
އެލްޖީއޭގެ ސީއީއޯގެ މަގާމަށް ނިމާލް އައްޔަނު ކުރެއްވުމަށް ފަހު ރައީސް ޑރ. މުހައްމަދު މުއިއްޒު މިއަދު ވަނީ އޭނާއަށް މަގާމުގެ ލިޔުން އަރުއްވާފަ އެވެ.
އެ މަގާމަށް ނިމާލް އައްޔަން ކުރައްވާފައި ވަނީ އެ މަގާމުގައި ކުރިން ހުންނެވި ޑރ. މަރިޔަމް ޒުލްފާ މަގާމުން ވަކިކުރެއްވުމަ ށްފަހު ފޮރިން މިނިސްޓްރީގެ ސްޓޭޓް މިނިސްޓަރަކަށް އައްޔަނު ކުރުމަށް ފަހު އެވެ. މި ސަރުކާރު ފެށުނީއްސުރެ އިއްޔެއާ ހަމައަށް ކުރީގެ ޓޫރިޒަމް މިނިސްޓަރު ޒުލްފާ ހުންނެވީ އެލްޖީއޭގެ ސީއީއޯގެ މަގާމުގަ އެވެ.
އެލްޖީއޭގެ އާ ސީއީއޯ، ނިމާލަކީ ކުރިން ރޯޑް ޑިވެލޮޕްމެންޓް ކޯޕަރޭޝަނާއި ފެނަކަ ކޯޕަރޭޝަންގެ މެނޭޖިން ޑިރެކްޓަރުކަން ކުރައްވާފައިވާ ބޭފުޅެކެވެ. އަދި، މާލެ އަތޮޅު ކައުންސިލްގެ ރައީސް ކަމާއި، ސްރީލަންކާގައި ހުންނަ ދިވެހިރާއްޖޭގެ ހައިކޮމިޝަންގެ މިނިސްޓާ ކައުންސެލަރުގެ މަގާމު ވެސް ފުރުއްވާފަ އެވެ. އަދި، ޓޫރިޒަމް މިނިސްޓްރީގެ ނައިބުގެ މަގާމު ވެސް އޭނާ ވަނީ އަދާކޮށްފަ އެވެ.
ނިމާލަކީ އޮސްޓްރޭލިއާގެ ޗާލްސް ސްޓާޓް ޔުނިވާސިޓީއިން ބެޗެލާ އޮފް ބިޒްނަސް (މާކެޓިން) ހާސިލް ކުރައްވާފައިވާ ބޭފުޅެކެވެ.
އެ މަގާމަށް ނިމާލު އައްޔަނު ކުރެއްވުމާ ގުޅިގެން ލޯކަލް ގަވަމަންޓް މިނިސްޓަރު އާދަމް ޝަރީފް ވަނީ މަރުހަބާ ދަންނަވާފަ އެވެ.
ކޮމެންޓް
Republic of Maldives