ހަނިމާދޫ އެއާޕޯޓްގެ މަސައްކަތް ކުރާ ދެ މީހަކު ހަތިޔާރު ބޭނުްކޮށްގެން މާރާމާރީ ހިންގައިފި
ފުލުުހުން ބުނީ އެ ދެ މީހުން މާރާމާރީ ހިންގީ ހަތިޔާރު ބޭނުންކޮށްގެން ކަމަށެވެ. މި މައްސަލައިގެ ތުހުމަތު ކުރެވޭ އެކަކު ވަނީ ފުލުހުން ހައްޔަރު ކޮށްފަ އެވެ.
އުތުރުގެ ހދ. ހަނިމާދޫ އިންޓަނޭޝަނަލް އެއާޕޯޓްގެ މަަސައްކަތް ކުރާ ދެ މީހަކު ހަތިޔާރު ބޭނުްކޮށްގެން މާރާމާރީ ހިންގައިފި އެވެ.
ފުލުުހުން ބުނީ އެ މާރާމާރީގެ މައްސަލަ މިރޭ 8:00 ގައި ރިޕޯޓް ކޮށްފައިވާ ކަމަށެވެ. މާރާމާރީ ހިންގީ އެއާޕޯޓް މަސައްކަތަށް އައިސް ތިބި ދެ ބިދޭސީންނެވެ. އެތަން ހަދަނީ އިންޑިއާގެ އެހީގަ އެވެ. އެ މަސައްކަތުގައި މުޅީންހެން އުޅެނީ އިންޑިއާ މީހުންނެވެ.
ފުލުުހުން ބުނީ އެ ދެ މީހުން މާރާމާރީ ހިންގީ ހަތިޔާރު ބޭނުންކޮށްގެން ކަމަށެވެ. ނަމަވެސް އެއީ ކޮން ކަހަލަ ހަތިޔާރެއް ކަމެއް ނުބުނެ އެވެ. މި މައްސަލައިގެ ތުހުމަތު ކުރެވޭ އެކަކު ވަނީ ފުލުހުން ހައްޔަރު ކޮށްފަ އެވެ.
އަނިޔާވި މިހާއަށް ހަނިމާދޫ ހެލްތް ސެންޓަރުގައި ދަނީ ފަރުވާ ދެމުންނެވެ.
މި މައްސަލަ ތަހުގީގު ކުރަމުންދާ ކަމަށް ވެސް ބުންޏެވެ.
ކޮމެންޓް
Republic of Maldives