އެލްޖީއޭގެ ބޯޑުގައި އަތޮޅު ރައީސުންގެ ފަރާތުން ށަވިޔަނި ރައީސް
އިންތިހާބު ގައި ވާދަކުރީ ހައްދުންމަތީ އަތޮޅު ކައުންސިލްގެ ރައީސް އިސްމާއީލް އަލީ އާއި މިލަދުންމަޑުލު އުތުރުބުރީ އަތޮޅު ކައުންސިލްގެ ރައީސް މުހައްމަދު ޝިޔާމް އެވެ.
ލޯކަލް ގަވާމަންޓް އޮތޯރިޓީ (އެލްޖީއޭ) ގެ ބޯޑް ގައި އަތޮޅު ކައުންސިލްތަކުގެ ރައީސުންގެ ތެރެއިން އިންތިހާބު ކުރަން ޖެހޭ މެންބަރު ކަނޑައަޅަން ވޯޓް ނަގައިފި އެވެ.
އިއްޔެ އޮތް އިންތިހާބު ގައި ވާދަކުރީ ހައްދުންމަތީ އަތޮޅު ކައުންސިލްގެ ރައީސް އިސްމާއީލް އަލީ އާއި މިލަދުންމަޑުލު އުތުރުބުރީ އަތޮޅު ކައުންސިލްގެ ރައީސް މުހައްމަދު ޝިޔާމް އެވެ.
އިންތިހާބު ކާމިޔާބު ކުރީ ޝިޔާމް އެވެ. ޝިޔާމް ވަނީ ނުވަ ވޯޓް ހޯއްދަވާފަ އެވެ. އިސްމާއީލަށް ލިބުނީ ހަ ވޯޓެވެ.
އިއްޔެގެ އިންތިހާބު ގައި 18 އަތޮޅު ކައުންސިލްގެ ރައީސުންނަށް ވޯޓް ދިނުމުގެ ހައްގު ލިބިފައި އޮތެވެ. 15 ބޭފުޅަކު ވަނީ ވޯޓްލައްވާފަ އެވެ.
އެލްޖީއޭގެ ބޯޑް ގައި އަތޮޅު ކައުންސިލްތަކުގެ ރައީސުންގެ ތެރެއިން އިންތިހާބު ކުރަން ޖެހޭ މެންބަރަކަށް ހޮވިވަޑައިގަތް ޝިޔާމަކީ ސަރުކާރު ހިންގާ ކޮންގްރެސް ޕާޓީއަށް ނިސްބަތްވާ ބޭފުޅެކެވެ.
ކޮމެންޓް
Republic of Maldives