ތިން އަހަރުން %29، އަށް މަހުން %12؛ ތިލަމާލެ ބްރިޖުގެ 41 ޕަސެންޓް ނިމިއްޖެ
ރައީސް ސޯލިހްގެ ސަރުކާރު ނިމުނުއިރު ބްރިޖު މަޝްރޫއުން ނިމުނީ 29 ޕަސެންޓެވެ. މިދިޔަ އަށް މަސް ދުވަހު 11.78 ޕަސެންޓް ނިމިފައިވެ އެވެ.
އިންޑިއާގެ އެފްކޮންސް ކުންފުނި އަޅަމުން ގެންދާ ތިލަމާލެ ބްރިޖުގެ މަސައްކަތުން ނިމިފައިވަނީ 40 ޕަސެންޓް ކަމަށް އިންފްރާސްޓްރަކްޗާ މިނިސްޓްރީން އިއްޔެ ބުނެފި އެވެ.
އެ މިނިސްޓްރީން ބުނީ މީގެ ތިން އަހަރު ކުރީން ފެށި ތިލަމާލެ ބްރިޖު މަޝްރޫއުގެ 40.78 ޕަސެންޓް މިހާރު ނިމިފައިވާ ކަމަށެވެ. ރައީސް ސޯލިހްގެ ސަރުކާރު ނިމުނުއިރު ބްރިޖު މަޝްރޫއުން ނިމުނީ 29 ޕަސެންޓެވެ. މިދިޔަ އަށް މަސް ދުވަހު 11.78 ޕަސެންޓް ނިމިފައިވެ އެވެ.
މިހާރު ވަނީ ބްރިޖު ނިމުމުން ހުންނާނެ ގޮތުގެ ކޮންމެވެސް ވަރެއްގެ ތަސައްވުރެއް ލިބޭ ވަރަށް ބްރިޖުގެ މަސައްކަތް ނިިމިފަ އެވެ. ވިލިމާލެއާ ވީ ފަޅީން ޑެގްގެ މަސައްކަތް ވަރަށް ބާރަށް ކުރިއަށް ދެ އެވެ.
އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތޮލިބު މީގެ ކުރިން ބޭއްވި ނޫސްވެރިންގެ ބައްދަލުވުމުގައި ވިދާޅުވީ ބްރިޖު އެއްކޮށް ނިމޭނެ ކަމަށް ބެލެވެނީ 30، ސެޕްޓެމްބަރު 2026 ގަ އެވެ. ނަމަވެސް ބްރިޖު އަވަސް ކުރަން މަސައްކަތް ކުރައްވަމުން ގެންދާކަން މިނިސްޓަރު ފާހަގަ ކުރެއްވި އެވެ.
ބްރިޖުގެ މަސައްކަތުގެ އަޕްޑޭޓް ސަރުކާރުން ދެމުން ގެންދާއިރު ބްރިޖުގެ މަސައްކަތް ފެށި މިދިޔަ ސަރުކާރުން ބްރިޖުގެ މައުލޫމާތު ގެންގުޅުނީ ސިއްރުކޮށްގެންނެވެ. އޭރު މައުލޫމާތު ދެނީ ހަމައެކަނި އިންޑިއާ އެމްބަސީއިންނެވެ.
ތިލަމާލެ ބުރިޖްގެ މައުލޫމާތު ކުރުކޮށް
- ތިލަމާލެ ބްރިޖް އަޅަން އެފްކޮންސްއަށް ދިނީ އޮގަސްޓް 26، 2021 ގައި
- ކޯޒްވޭ ތަކާއެކު ބްރިޖްގެ ދިގު މިން 6.7 ކިލޯ މީޓަރު
- ސުޕަ ބްރިޖްގެ ދިގު މިނަކީ 3.6 ކިލޯ މީޓަރު
- ބްރިޖަށް 400 މިލިއަން ޑޮލަރުގެ ލޯނު ދެނީ އިންޑިއާގެ އެގްޒިމް ބޭންކުން
- މުޅި މަޝްރޫއުގެ އަގަކީ 500 މިލިއަން ޑޮލަރު
- އިންޑިއާގެ ހިލޭ އެހީގައި 100 މިލިއަން ޑޮލަރު
- 220،000 ކިއުބިކް މީޓަރުގެ ސަރަހަދެއް ހިއްކާ ތޮށިލާން
- ބްރިޖާ ގުޅިފައިވާ ތިން ކިލޯމީޓަރުގެ މަގާއި ފާލަން ހިމެނޭ
- މަޝްރޫއުއަށް ލޯނު ދިނީ އިންޑިއާގެ އެގްޒިމް ބޭންކުން
ބްރިޖު އެޅުމުގައި ރަނގަޅު މަގާމެއް ހޯދާފައި ވެ އެވެ. އިންޑިއާގެ ބިލިއަނަރު ޝަޕޫރު މިސްޓްރީގެ ޝަޕޫރުޖީ ޕަލޮންޖީ (އެސްޕީ) ގްރޫޕުގެ ދަށުން ހިންގާ އެފްކޮންސް ކުންފުނީގެ ބައެއް އެސެޓް ވިއްކާލުމުގެ ގޮތުން ބާޒާރަށް ނުކުމެ އެ ކުންފުނިން ވަނީ ބޮޑެތި ކުންފުނިތަކާއެކު މަޝްވަރާތަކެއް ވެސް ފަށާފަ އެވެ. މި ބަދަލާއެކު އެފްކޮންސްގެ މައި ކުންފުނި އެސްޕީ ގްރޫޕުގައި އޮތް އެފްކޮންސްގެ ހިއްސާގެ އަދަދު މަދުވެގެން ދާނެ އެވެ. އެފްކޮންސް ކުންފުނިން ވިއްކަން ތައްޔާރުވާ އެސެޓްތަކުގެ ތެރޭގައި އެ ކުންފުނިން އިންޑިއާގެ އިރުމަތީ އައްސޭރީގައި އޮންނަ ގޯޕަލްޕޫރުގައި ތަރައްގީ ކޮށްފައިވާ ބަނދަރު ހިމެނެ އެވެ. އެ ކުންފުނިން މި ފައިސާ ހޯދަން ނުކުމެފައި ވަނީ ދައްކަން ޖެހޭ ދަރަނީގެ ބައެއް އަދާ ކުރާށެވެ.
ކޮމެންޓް
ތިލަމާލެ މަޝްރޫއު ހަވާލު ކުރީ 2021 ވަނަ އަހަރު. އަމަލީ މަސައްކަތް ފެށީ 2022 ވަނަ އަހަރުގެ އޯގަސްޓް މަހު. ދެން ތިބުނާ ތިން އަހަރު މިވަނީ ކިހިނެއްބާ؟ އަދުރޭއަށް ސަނާ ކިޔާ ކިޔާ ހިސާބު ޖަހަންވެސް ނޭންގިފަދޯ
Republic of Maldives