އިލްމީ އަދި ފަންނީ ދިރާސާތަކަށް މޯލްޑިވްސް ސެންޓާ ފޯ ޕޮލިސީ ސްޓަޑީޒް އުފައްދައިފި

ދައުލަތަށް ގިނަ ދުވަސްތަކަކު އަގުހުރި ޚިދުމަތްތަކެއް ކުރައްވާފައި ތިއްބެވި، ޢިލްމީ ބޭފުޅުންކޮޅެއް އިސްވެ ތިއްބަވައިގެން މޯލްޑިވްސް ސެންޓާ ފޯ ޕޮލިސީ ސްޓަޑީޒް -- ޕޮލިސީ އެމްވީ އުފައްދަވައިފި އެވެ. 

ދިވެހިރާއްޖެއަށް އަސަރުކުރާނޭ އަދި ކޮށްފާނޭ ހުރިހާ ދާއިރާއެއްގައި، ބައިނަލްއަޤްވާމީ އަދި ޤައުމީ މައްސަލަތަކާއި އަދި ސިޔާސަތުތަކާބެހޭ ގޮތުން ޢިލްމީ އަދި ފަންނީ ދިރާސާކުރުމަށް އުފައްދާފައިވާ ޕްލެޓްފޯމް ވުޖޫދުކޮށްފައިވަނީ މި ހިނގާ ޖުލައި މަހުގެ ކުރީކޮޅުއެވެ.

މި މަސައްކަތުގައި އިސްކޮށް ތިއްބެވީ ދައުލަތަށް ގިނަ ދުވަސްތަކަކު އަގުހުރި ޚިދުމަތްތަކެއް ކުރައްވާފައި ތިއްބެވި، ވަރަށް ޢިލްމީ ބޭފުޅުންނެވެ.

މިނޫހަށް އެނގިފައިވާ ގޮތުގައި، މުއައްސިސުންނަކީ؛

މިނޫހުން ގުޅާލުމުން ޕޮލިސީ އެމްވީގެ މެނޭޖިން ޕާޓްނާ އަލްއުސްތާޛާ ޢާއިޝަތު ޢާޒިމާ ޝަކޫރު ވިދާޅުވީ، މި މަސައްކަތަކީ، ދިވެހިރާއްޖެއަށް އަސަރުކުރާނޭ އަދި ކޮށްފާނޭ ފަދަ މައްސަލަތަކުގައި ޢިލްމީ އަދި ފަންނީ ދިރާސާކޮށް ފަންނީ ރަޢުޔު އެކުލަވާލުމުގެ މަޤްޞަދުގައި އުފެއްދި ޢިލްމީ މަސައްކަތް ކުރާނޭ މުއައްސަސާއެއް ކަމަށެވެ.

އަދި މި މުއައްސަސާގެ މަސައްކަތާ ބެހޭގޮތުން މީޑިޔާއަށް މަޢުލޫމާތު ދިނުމަށް ވަރަށް އަވަހަށް ޕްރެސް ބްރީފިން އެއް ބާއްވަވާނޭ ކަމަށް ވިދާޅުވި އެވެ.

މިނޫހަށް އެނގިފައިވާ ގޮތުގައި، ޕޮލިސީ އެމްވީގެ  ބޯޑުގެ ޗެއާމަނަކީ ރައީސް ޑރ. މުޙަންމަދު ވަޙީދު ހަސަން އެވެ.