ހުކުރު ދުވަހާއި ޓާމް ބަންދު ގައި ޓީޗަރުން ސުކޫލުތަކަށް ނުނެރެން އަންގައިފި
އެ މެމޯ ގައި ބުނެފައި ވަނީ ޓީޗަރުންގެ ދުޅަހެޔޮ ކަމަށް އިސްކަން ދިނުމަކީ ސަރުކާރުގެ މުހިންމު އެއް ސިޔާސަތު ކަމަށެވެ.
ހުކުރު ދުވަހާއި ޓާމް ބަންދު ގައި ޓީޗަރުން ސުކޫލުތަކަށް ނުނެރެން އެޑިއުކޭޝަން މިނިސްޓްރީން ސުކޫލުތަކުގެ ވެރީންނަށް އަންގައިފި އެވެ.
އެޑިއުކޭޝަން މިނިސްޓްރީން ވަނީ އިންޓާާނަލް މެމޯ އެކަން ސުކޫލުތަކުގެ ވެރީންނަށް އަންގާފަ އެވެ. އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ ޝިފްޒާ މުހައްމަދު ސޮއި ކުރައްވާ އިއްޔެގެ ތާރީހު ގައި ފޮނުވި މެމޯ ގައި ބުނެފައި ވަނީ ހިނގަމުން މިދާ 2024 ވަނަ އަހަރުގެ ދިރާސީ އަހަރުގެ ފުރަތަމަ ޓާމާއި ދެވަނަ ޓާމު ބަންދު އަދި މިޑް ޓާމް ބަންދު ގައި ޓީޗަރުން ސުކޫލުތަކަށް ނެރުމަކީ މަނާ ކަމެއް ކަމަށެވެ.
އޭގެ ފަހުން މިއަދުގެ ތާރީހު ގައި ސުކޫލުތަކުގެ އިތުރު ހަރަކާތްތައް ހުކުރު ދުވަހު ބޭއްވުމާއި ގުޅޭ މެމޯ އެއް ވަނީ ފޮނުވާފަ އެވެ.
އެ މެމޯ ގައި ބުނެފައި ވަނީ ޓީޗަރުންގެ ދުޅަހެޔޮ ކަމަށް އިސްކަން ދިނުމަކީ ސަރުކާރުގެ މުހިންމު އެއް ސިޔާސަތު ކަމަށާ އެ ސިޔާސަތު ތަންފީޒު ކުރުމަށްޓަކައި ހުކުރު ދުވަސް ދުވަހު ޓީޗަރުން މަސައްކަތަށް ނުނެރެން ތަކުރާރުކޮށް ސުކޫލުތަކަށް އިރުޝާދު ދީފައިވާނެ ކަމަށެވެ. ނަމަވެސް ބައެއް ސުކޫލުތަކުން މި އިރުޝާދަށް އެއްގޮތަކަށް ވެސް އަމަލު ކުރަމުން ނުދާކަަން ފާހަގަ ކުރެވޭ ކަމަށެވެ.
އެހެން ކަމުން ޖުލައި 28 ވަނަ ދުވަހުން ފެށިގެން ހުކުރު ދުވަސްދުވަހު ސުކޫލުގެ މަސައްކަތް ކުރުމަށް ޓީޗަރުން ނުނެރުމަށް ވަނީ އަންގާފަ އެވެ. އެހެން ނަމަވެސް ނާދިރު ހާއްސަ ހާލަތެއްގައި ހަރަކާތެއް ބާއްވަން ޖެހިއްޖެނަމަ ޓީޗަރުން އެ ހަރަކާތަކަށް ނެރެން ވާނީ މިނިސްޓްރީގެ "ސްކޫލު އެޑްމިނިސްޓްރޭޝަން ޑިވިޒަން" އިން އެކަމަށް ލިޔުމުން ހުއްދަ ހޯދުމަށް ފަހު ކަމަށެވެެ.
ކޮމެންޓް
Republic of Maldives