ތިން މިނިސްޓަރަކު ޗައިނާއަށް ވަޑައިގަންނަވަނީ
މިއީ ދެ ގައުމުގެ މެދުގައި ރަސްމީ މަޝްވަރާތައް ބޭއްވެވުމާއި ދެ ގައުމުގެ އިސްވެރީންގެ ބައްދަލްވުންތަކަށް ހާއްސަ ދަތުރުފުޅެކެވެ.
ފޮރިން މިނިސްޓްރީން ބުނީ މިނިސްޓަރު މޫސާ ޒަމީރާއި ފިނޭންސް މިނިސްޓަރު ޑރ. މުހައްމަދު ޝަފީގް އަދި ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބު ރަސްމީ ދަތުރުފުޅެއް ގައި ޗައިނާއަށް ވަޑައިގަތުމަށް ހަމަޖެހިފައިވާ ކަމަަށެވެ.
މިއީ ދެ ގައުމުގެ މެދުގައި ރަސްމީ މަޝްވަރާތައް ބޭއްވެވުމާއި ދެ ގައުމުގެ އިސްވެރީންގެ ބައްދަލްވުންތަކަށް ހާއްސަ ދަތުރުފުޅެކެވެ.
މީގެ އިތުރުން ޗައިނާ ބޮޑެތި ބައެއް ކުންފުނިތަކާ ރާއްޖޭގެ މިނިސްޓަރުން ބައްދަލު ކުރައްވާނެ އެވެ. ހާއްސަކޮށް ރާއްޖޭގައި އެކި މަޝްރޫއުތައް ހިންގާފައިވާ ޗައިނާގެ ކުންފުނިތަކުގެ އިސްވެރީންނާއި ބައްދަލު ކުރައްވަން ވަނީ ހަމަޖެހިފަ އެވެ.
މި ސަރުކާރުން ގެންދަނީ ޗައިނާއާ ވަރަށް ގާތް ގުޅުމެއް ބާއްވަމުންނެވެ. އެކަމުގެ ސަބަބުން މިދިޔަ ފަސް އަހަރު ރާއްޖެ-ޗައިނާ ގުޅުމަށް އޮތް ހީނަރުކަން ދަނީ ފިލަމުންނެވެ.
އޭގެ ކުރީން އޮތް ރައީސް ޔާމީންގެ ސަރުކާރުގައި އެންމެ ގާތް ގުޅުމެއް ބޭއްވެވީ ޗައިނާއާ އެވެ. ނަތީޖާއެއްގެ ގޮތުން ޗައިނާގެ އެހީގައި ތަރައްގީގެ ބިޔަ މަޝްރޫއުތަކެއް ހިންގުނެވެ.
ކޮމެންޓް
Republic of Maldives