ހައްޔަރު ކުރަން އުޅުމުގެ ތެރޭގައި އަނިޔާވެ ފަރުވާ ދެނީ، މައްސަލަ ބަލަނީ
އަނިޔާވެފައި ވަނީ އުމުރުން 38 އަހަރުގެ ދިވެހި ފިރިހެނަކަށެވެ. އެ މީހާއަކީ ޑްރަގް ކޯޓްގެ އަމުރެއްގެ ދަށުން އެ ކޯޓަށް ހާޒިރު ކުރުމަށް ހައްޔަރު ކުރަން އުޅުނު މީހެކެވެ.
ފުލުހުންގެ ބެލުމުގެ ދަށަށް މީހަކު ގެންނަން ކުރި މަސައްކަތުގައި އެ މީހާއަށް އަނިޔާވެ ހޮސްޕިޓަލްގައި އެޑްމިޓްކޮށް ފަރުވާ ދޭން ފަށައިފި އެވެ.
އަނިޔާވެފައި ވަނީ އުމުރުން 38 އަހަރުގެ ދިވެހި ފިރިހެނަކަށެވެ. އެ މީހާއަކީ ޑްރަގް ކޯޓްގެ އަމުރެއްގެ ދަށުން އެ ކޯޓަށް ހާޒިރު ކުރުމަށް ހައްޔަރު ކުރަން އުޅުނު މީހެކެވެ.
ފުލުހުންގެ ތަރުޖަމާން / އެސިސްޓެންޓް ކޮމިޝަނަރު އަހްމަދު ޝިފާން މިރޭ ވިދާޅުވީ ޑްރަގް ކޯޓްގެ އަމުރެއްގެ ދަށުން އެ ކޯޓަށް ޖުލައި 16 ވަނަ ދުވަހު ހާޒިރު ކުރުމަށް ފުލުހުންގެ ބެލުމުގެ ދަށަށް މީހަކު ގެނައުމުގެ ތެރޭގައި އެމީހާއަށް ވަނީ އަނިޔާވެފަ އެވެ. އެ މީހާއަށް އައިޖީއެމްއެޗް ގައި ފަރުވާ ދެމުންދާ ކަމަށް ވެސް ބުންޏެވެ.
މި ހާދިސާ ގައި ފުލުހުން އަމަލުކުރި ގޮތާމެދު އާއިލާ އިން ސީރިއަސް ކަންބޮޑުވުންތަކެއް ހުރި ކަމަށް ފުލުހުންނާ ހިއްސާކޮށްފައިވާތީ އެކަން ބެލުމަށް ފުލުހުންގެ ޕްރޮފެޝަނަލް ސްޓެންޑާޓްސް ކޮމާންޑް އަދި ނެޝަނަލް އިންޓްގްރިޓީ ކޮމިޝަނާއި ހިއުމަން ރައިޓްސް ކޮމިޝަންގައި އެދިފައިވާނެ ކަމަށް ވިދާޅުވި އެވެ.
އެމީހާއަށް ލިބުނު އަނިޔާގެ ތަފްސީލެއް ނުދެ އެވެ. ނަމަވެސް އެ މީހާ ފުރާޅެއްގެ މަތީން ވެއްޓި ބޮޑެތި އަނިޔާތަކެއް ލިބިފައިވާ ކަމަށް އެނގިފައިވެ އެވެ. އެ މީހާގެ ހާލު ދެރަ ކަމަށް ވެސް ވެ އެވެ. ފުރާޅުމަތީން ވެއްޓުނީ ފުލުހުންނަށް ފިލަން އުޅުމުގެ ތެރޭގައި ކަމަށް ވެސް ވެ އެވެ.
ކޮމެންޓް
Republic of Maldives