ލިޔެކިޔުމެއް ނުދީ ނުހިފަހައްޓަން، ބައެއް ލިޔުންތައް ވަނީ ގެއްލިފައި: ފެނަކަ
ފެނަކައިގެ މެނޭޖިން ޑިރެކްޓަރު މުއާޒް މުހައްމަދު ރަޝީދު ވިދާޅުވީ އެއްވެސް އިދާރާއަކަށް ބޭނުންވާ މައުލޫމާތާއި ލިޔުންތައް ނުދީ ނުހިފަހައްޓާނެ ކަމަށެވެ.
އެއްވެސް އިދާރާއަކަށް ބޭނުންވާ މައުލޫމާތާއި ލިޔުންތައް ނުދީ ނުހިފަހައްޓާނެ ކަމަށާ ކުރީގެ ބައެއް ލިޔުންތައް އިދާރާތަކަށް ފޯރުކޮށް ނުދެވި ވަނީ އެތަކެތި ގެއްލިފައިވާތީ ކަމަށް ފެނަކަ ކޯޕަރޭޝަނުން ބުނެފި އެވެ.
ފެނަކަ ކޯޕަރޭޝަނުން މިހެން ބުނެފައި ވަނީ ސަރުކާރުގެ ބައެއް އިދާރާތަކާއި ސަރުކާރުގެ ކުންފުނިތައް އޮޑިޓް ކުރަން ބޭނުންވާ ލިޔެކިޔުންތައް ފޯރުކޮށްދޭން އެ އިދާރާތަކުން ދެކޮޅު ހަދާ ކަމަށް އޮޑިޓް އޮފީހުން ބުނުމާއި ގުޅިގެންނެވެ. މަޖިލީހުގެ މާލިއްޔަތު ކޮމެޓީގައި ވާހަކަ ދައްކަވަމުން އޮޓިޑާ ޖެނަރަލް އޮފީހުގެ ލީގަލް ކައުންސިލް މުހައްމަދު ނަސީމް ފާހަގަ ކުރެއްވި އެއް ކުންފުންޏަކީ ވެސް ފެނަކަ އެވެ.
ނަސީމް ވިދާޅުވި ގޮތުގައި ފެނަކަ އިން 2021 ވަނަ އަހަރުން ފެށިގެން އެ އިދާރާއަށް އެއްވެސް ލިޔެކިޔުމެއް ފޯރުކޮށްދީފަ އެއް ނުވެ އެވެ.
ފެނަކައިގެ މެނޭޖިން ޑިރެކްޓަރު މުއާޒް މުހައްމަދު ރަޝީދު ވިދާޅުވީ އެއްވެސް އިދާރާއަކަށް ބޭނުންވާ މައުލޫމާތާއި ލިޔުންތައް ނުދީ ނުހިފަހައްޓާނެ ކަމަށެވެ. އަދި ވިދާޅުވީ ކުރީގެ ލިޔުންތައް ހޯދުމުގައި ލަސްވަނީ އެ ލިޔުންތައް ގެއްލިފައިވާތީ ކަމަށެވެ.
ނިމިދިޔަ ސަރުކާރުގައި އެންމެ ބޮޑަށް ހިޔާނާތް ހިންގި ކުންފުންޏަކީ ފެނަކަ ކޯޕަރޭޝަނެވެ. ފެނަކަ ކުންފުނީގެ ކުރީގެ މެނޭޖުމެންޓާ ގުޅޭ ގޮތުން އެންޓި ކޮރަޕްޝަން ކޮމިޝަނަށް އާދަޔާ ހިލާފަށް ގިނަ މައްސަލަތަކެއް ހުށަހެޅިފައިވާ ކަމަށާއި، މިހާރުވެސް ބޮޑު ހަ މައްސަލައެއް ތަހުގީގު ކުރަމުންދާ ކަމަށް އޭސީސީން މިއަދު ވަނީ ބުނެފަ އެވެ.
ކޮމެންޓް
Republic of Maldives