އެމްއެމްޕީއާރުސީގެ ބޯޑަށް ގެސްޓްހައުސްތަށް ތަމްސީލް ކުރާނެ މެންބަރަކާއި އިތުރު މެންބަރެއް
އެމްއެމްޕީއާރުސީގެ ބޯޑަށް އާ މެންބަރުން އައްުޔަންކޮށްފައި ވާއިރު، ބޯޑުމެންބަރުންގެ ތެރެއިން ދެބޭފުޅަކު ދާދި ފަހުން އިސްތިއުފާ ދެއްވި އެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ)ގެ ބޯޑަށް ގެސްޓްހައުސްތަށް ތަމްސީލް ކުރާނެ މެންބަރާއި އަންހެން މެންބަރަކު އައްޔަންކޮށްފި އެވެ.
މިކަން އިއުލާނުކޮށް އެމްއެމްޕީއާރުސީއިން ކުރި ޕޯސްޓެއްގައި، އަލަށް އައްޔަންކުރި ދެބޭފުޅުންނަށް މަރުހަބާ ކިޔާފައި ވެއެވެ. މިފަހަރު އެ ބޯޑަށް އައްޔަން ކޮށްފައިވަނީ ގޭމްގެ ބޯޑް މެންބަރު އަބްދުލް ސަމީއު އިމާދާއި އާއްމު މެންބަރެއްގެ ގޮތުގައި އައިޝަތު ހަމީދު އެވެ.
އެމްއެމްޕީއާރުސީ ބޯޑަަށް ބަދަލު ގެނެސްފައިވާއިރު އެ ކުންފުންޏަށް ވަނީ އާ އެމްޑީއެއް އައްޔަން ކޮށްފަ އެވެ. އާ މެނޭޖިން މެނޭޖިން ޑިރެކްޓަރަކަށް އައްޔަންކޮށްފައިވަނީ ކުރީގެ މަޝްހޫރު ޓީޓީ ކުޅުންތެރިޔާ އިބްރާހިމް ޝިއުރީ އެވެ. ޝިއުރީ އެ މަގާމަށް އައްޔަން ކުރީ ކުރީގެ އެމްޑީ ފާތުމަތު ތައުފީގު (ކުޑީ) އެ މަގާމުން ވަކި ކުރުމުންނެވެ.
ކުޑީ އެ މަގާމުން ދުރުކުރީ އެ ކުންފުނި ހިންގަމުންދާ ގޮތުގެ ސަބަބުން މުޅި ސިސްޓަމް ގޯސްވެ ގިނަ މައްސަލަތަކެއް ފެންމަތިވުމުންނެވެ. ކުޑީ އެ މަގާމުން ވަކި ކުރުމުގެ ކުރީގައި ޗެއާޕާސަންގެ މަގާމުގައި ހުންނެވި ނޫރެއިން ޖަނާހު ވަނީ ކުންފުނީގެ ހުރި ގިނަ މައްސަލަތަކެއް ސަރުކާރުގެ ސަމާލު ކަމަށް ގެންނަވައި އެ ކަމަނާ އަމިއްލަފުޅަށް އިސްތިއުފާ ދެއްވާފަ އެވެ.
ކޮމެންޓް
Republic of Maldives