ދިހަ މީހުންނާ އެކު މާލެ ދަތުރުކުރި ދޯންޏެއް ފަރަށް އަރައިފި
އެމްއެންޑީއެފުން ބުނީ ފަރަށް އެރި އުޅަނދަށް އެހީތެރިކަން ފޯރުކޮށްދިނުމުގެ މަސައްކަތް މިހާރު ކުރަމުންދާކަމަށެވެ.
އެމްއެންޑީއެފުން ބުނީ، ފަރަށް އެރީ މާލެ ދަތުރުކުރި 75 ފޫޓުގެ "ނަސްފަރު" ނަމަކަށް ކިޔާ ދޯންޏެއް ކަމަށެވެ. ރޭ ދަންވަރުގެ ވަގުތެއްގައި ނަސްފަރު ދޯނި އެރީ ނ. ލޯފަރު ފަރަށް ކަމަށް އެމްއެންޑީއެފުން ބުނެ އެވެ.
އެމްއެންޑީއެފުން މައުލޫމާތު ދިން ގޮތުގައި ފަރަށް އެރި ނަސްފަރު ދޯނި މިހާރު ވަނީ ދިޔަވާން ފަށާފަ އެވެ. މި ހާދިސާގައި އެއްވެސް މީހަކަށް އަނިޔާވިކަމެއް ހާމަކޮށްފައެއް ނުވެ އެވެ.
ނަސްފަރު ދޯނި ފަރަށް އެރި ސަރަހައްދަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން ގޮސް މިހާރު އަންނަނީ ހަރަކާތްތެރިވަމުންނެވެ.
ނަސްފަރު ދޯނި ފަރަށް އެރި އިރު، އޮތީ ކުނި ބަރުކޮށްފަ އެވެ. އެމްއެންޑީއެފުން ހާމަކުރި ފޮޓޯއިން ފެންނަ ގޮތުގައި ދޯނީ ފަހަތުކޮޅު ވަނީ ދިޔަވާން ފަށާފަ އެވެ.
ކޮމެންޓް
Republic of Maldives