އިގްތިސޯދީ ދުވެލި ބާރު، ތިން މަހުން ޖީޑީޕީއަށް ބޮޑު ކުރިއެރުން

ރާއްޖޭގެ ގައުމީ އުފެއްދުންތެރިކަމުގެ މިންގަނޑު ނުތަވަ ގްރޮސް ޑޮމެސްޓިކް ޕްރޮޑަކްޓް (ޖީޑީޕީ) ހިސާބުތައް ދައްކާ ގޮތުގައި ރާއްޖޭގެ އިގްތިސޯދުގެ ދުވެލި މިދިޔަ އަހަރަށްވުރެ ބާރުވެފައިވާ ކަމަށާ މި އަހަރުގެ ފުރަަތަމަ ތިން މަހު ޖީޑީޕީ ބޮޑު ތަނުން އިތުރުވެފައިވާ ކަމަށް ދައްކައިފި އެވެ. 

ދުނިޔޭގެ މާލީ އިދާރާތަކުގެ ލަފާގެ މަތިން ސަރުކާރުން އިގްތިސޯދު ހަރުދަނާ ކުރަން މާލީ އިސްލާހީ އެޖެންޑާއެއް އިމްޕްލިމެންޓް ކުރަން ފަށާފައި ވަނިކޮށް، ސްޓެޓިސްޓިކް ބިއުރޯރިން އާއްމު ކުރި ޖީޑީޕީ ހިސާބުތައް ދައްކާ ގޮތުގައި މި އަހަރުގެ ފުރަތަމަ ކުއާޓަރުގައި ރާއްޖޭގެ ޖީޑީޕީގެ ސައިޒު ނުވަތަ އަގު ހުރީ 27,363 ބިލިއަން  ރުފިޔާގަ އެވެ. 

މިއީ މިދިޔަ އަހަރުގެ ފުރަތަމަ ކުއާޓަރަށް ވުރެން 2,444 ބިލިއަން ރުފިޔާ އިތުރު އަަދަދެކެވެ. އަދި މިދިޔަ އަހަރުގެ ފަހު ކުއާޓަރާ އަޅާބަލާއިރު 2,208 ބިލިއަން ރުފިޔާގެ އިތުރު ވުމެކެވެ. 

ޖީޑީޕީ މިންގަނޑު - ގައުމީ އުފެއްދުންތެރިކަމުގެ މިންގަނޑު (ޖީޑީޕީ) އަކީ ގައުމެއްގައި އުފެއްދޭ ތަކެއްޗާއި ދެވޭ ހިދުމަތްތަކުގެ ޖުމްލަ އަގު ކަމަށް ވާއިރު ޖީޑީޕީ ގައުމެއް ކުރިއަރާ މިންވަރު ދެނެގަންނަން އެންމެ އާއްމު ގޮތެއްގައި ބޭނުން ކުރާ އެއް އިންޑިކޭޝަން އެވެ. މި ހިސާބުތައް ސްޓެޓިސްޓިކް ޑިޕާޓްމަންޓުން އިން ހާމަކުރަނީ ކޮންމެ ކުއާޓަރެއް ނިމޭތާ ތިން މަސް ދެ މަސް ފަހުންނެވެ. 

މިއަހަރުގެ ފުރަތަމަ ކުއާޓަރުގައި ޖީޑީޕީން ދައްކާ ގޮތުގައި މި މުއްދަތުގައި އިގްތިސޯދީ ދުވެލި ވަނީ 8.8 ޕަސެންޓް ކުރިއަރާފަ އެވެ. މިއީ މިދިޔަ އަހަރުގެ އަހަރުގެ ފަހު ކުއާޓަރާ އަޅާ ބަލާއިރު ދުވެލި ބާރު މިނެކެވެ. އަދި މި އަހަރުގެ ފުރަތަމަ ކުއާޓަރާ އަޅާ ބަލާއިރު މި އަހަރުގެ ފުރަތަމަ ކުއާޓަރުގައި އިގްތިސޯދީ ދުވެލި ވަނީ 9.8 ޕަސެންޓް ކުރިއަރާފަ އެވެ. 

ހިސާބުތައް ދައްކާ ގޮތުގައި ޖުމްލަ ޖީޑީޕީގެ ކުރިއެރުމަށް އެންމެ ބޮޑު އެހީތެރިކަމެއް ގެނެސްދިން ދާއިރާއެއްގެ ގޮތުގައި ދައްކަނީ ޓޫރިޒަމް ސިނާއަތެވެ. މި ކުރިއެރުމަށް އެންމެ ބޮޑު ހިއްސާއެއް ކޮށްފައި ވަނީ ވެސް ޓޫރިޒަމް ސިނާއަތެވެ. މި ސިނާއަތުގެ ހިއްސާ އުޅެނީ އެއީ 2.3 ޕަސެންޓުގަ އެވެ. އަދި ދެވަނަ އަށް އެންމެ ބޮޑު ހިއްސާއެއް ކޮށްފައި ވަނީ ދަތުރުފަތުރާއި ޕޯސްޓް އާއި މުއާސަލާތީ ހިދުމަތުގެ ދާއިރާއިން ނެވެ. އެއީ 2.1 ޕަސެންޓެވެ. 

ރާއްޖޭގެ ގްރޮސް ޑޮމެސްޓިކް ޕްރޮޑަކްޓް (ޖީޑީޕީ) ނުވަތަ ނޮމިނަލް ޖީޑީޕީ ނަމްބަރު 100 ބިލިއަން ރުފިޔާ އަށް އަރާފައި ވަނީ މިދިޔަ އަހަރުގެ ފުރަތަމަ ތިން މަހުގެ ތެރޭގަ އެވެ. 

ދެވަނަ ގޮތަކީ "ރިއަލް ޖީޑީޕީ" ނުވަތަ ޖީޑީޕީ ދާއިމީ އަގުން ދެއްކުމެވެ. ރާއްޖޭގައި ރިއަލް ޖީޑީޕީ މިހާރު އަންދާޒާ ކުރަނީ 2014 ވަނަ އަހަރުގެ ދާއިމީ އަގަށް ބަލައިގެންނެވެ. ރިއަލް ޖީޑީޕީ އެކުލަވައި ލެވެނީ މުދަލާއި ހިދުމަތުގެ އަގު ތަކަށް އަންނަ ބަދަލުތައް ނުހިމަނަ އެވެ. އެހެންވެ ގައުމެއްގެ އުފެއްދުންތެރިކަންކުރިއަރާ މިންވަރު ދެނެގަނެވޭނީ ރިއަލް ޖީޑީޕީ އިންނެވެ. ނޮމިނަލް ޖީޑީޕީ އާއި ރިއަލް ޖީޑީޕީގެ ފަރަގަކީ މުދަލާއި ހިދުމަތުގެ އަގުތަކަށް އަންނަ ބަދަލުގެ ސަބަބުން އުފެއްދުންތެރިކަމަށް އަންނަ ބަދަލު ތަކެވެ.