މިދިޔަ އޮގަސްޓު މަހު ވެސް އިޓަލީގެ ހަތަރު މަތިންދާބޯޓު އެއާޕޯޓުގައި ލޭންޑުކުރުމުން އާންމުންގެ ސަމާލުކަމަށް އައެވެ. ކުރިން ހުއްދަ ނަގައިގެން މިފަދަ ބޯޓުތަކަށް ރާއްޖޭގެ ވައިގެ ސަރަހައްދަށް ވަދެ، އެއާޕޯޓުގައި ލޭންޑުކުރެވެ އެވެ.
މައުލޫމާތު އެނގޭ ފަރާތަކުން "މިރާ"އަށް ބުނީ ދެންމެގެ ވަގުތެއްގައި ވީއައިއޭއަށް ޖެއްސި ހަނގުރާންމަތީ މަތިންދާބޯޓުތަކަކީ އިޓަލީގެ އެއާފޯސްގެ އުޅަނދުތަކެއް ކަމަށެވެ. މިއަހަރުގެ ކުރީކޮޅު ވެސް އިޓަލީގެ ފައިޓާޖެޓުތަކެއް އެއާޕޯޓުގައި ޖައްސާފައި ވެއެވެ.
އިޓަލީގެ ފައިޓާ ޖެޓުތަކެއް ވީއައިއޭގައި ޖެއްސީ ޓެކްނިކަލް ސްޓޮޕެއްގެ ގޮތުގަ އެވެ. ޓެކްނިކަލް ސްޓޮޕްތަކުގައި ކުރޫ ރެސްޓިން އަދި ތެޔޮ އެޅުން ފަދަ ކަންކަން ކުރެ އެވެ.
ރިފިއުލް ކުރުމާއި އެހެނިހެން ބޭނުންތަކަށް، ބޭރުގެ މަތިންދާބޯޓުތަކަށް ހުއްދަ ނަގައިގެން ރާއްޖެއަށް ޖެއްސޭނެ އެވެ. އެކަމުގެ ހުއްދަ ކުރިއާލައި ނަގަން ޖެހޭނީ ސިވިލް އޭވިއޭޝަން އޮތޯރިޓީންނެވެ.
މި ބޯޓްތައް މާލެ މަތީން ވަނީ އުދުހިފަ އެވެ. ބާރުގަދަ އަޑާއެކު ގިނަ ބަޔަކު މަގުތަކަށް ނިކުތެވެ.